विवादबीच नेपाल क्रिकेट संघ (क्यान)को निर्वाचनले चतुर बहादुर चन्दको नेतृत्वमा १७ सदस्यीय कार्यसमिति चुनेको छ|
राष्ट्रिय खेलकुद परिषद (राखेप)को निर्वाचन रोक्ने निर्देशन र माओवादी पधादिकारी सहित ११ जनाको बहिष्कारका बाबजुद मध्यरातमा भएको निर्वाचनले दुइ उपाध्यक्ष बाहेक सबै पद् निर्विरोध भएको थियो| सुरुमा युवा तथा खेलकुद मन्त्रि सत्यनारायण मण्डलले ११ बजे साधारण सभाको उद्घाटन गर्ने भनिएपनि मन्त्रीकै सुझावमा ३ बजेलाई उद्घाटन सारिएको थियो| मन्त्रि मण्डल सोमबार दिउसो क्यान साधारण सभा उद्घाटन नगरी राखेप सदस्य सचिव केशब कुमार बिस्ट संग एक फुटबल प्रतियोगिताको समापनका लागि लुक्ला पुगेका थिए|
चतुर बहादुर चन्दको अध्यक्षतमा गठित कार्यसमितिको प्रथम उपाध्यक्ष बिनोद कुमार मैनाली रहेका छन्| दुइ उपाध्यक्ष पदको लागि निर्वाचन भएकोमा सैलेश चौधरी ५३ मत र दिवाकर घले ३७ मत ल्याएर निर्वाचित भए| पराजित नरेश राणा ३३ मत ल्याउन सफल रहे| यसैगरी अशोक कुमार प्याकुरेल महासचिव पदमा निरिविरोध निर्वाचित भए| सदस्यमा भने रतन बहादुर कठायत, हरि रेग्मी, प्रशान्त विक्रम मल्ल, मो.दाउद अन्सारी, ऋषिराम गौतम, रोशन कुमार सिंह, किरण समशेर राणा, जयन्ति भट्ट, जिना श्रेष्ठ, ठाकुर प्रताप थापा, राजुबाबु श्रेष्ठ र संजय राज सिंह निर्विरोध निर्वाचित भए|
पुर्व अध्यक्ष टंक आङ्गबुहाङ्ग लगायतका ११ जना माओवादी समर्थित सदस्यले निर्वाचन बहिष्कार गरेका थिए| माओवादी पक्षले चुनाव मंगलबारलाई सर्न गरेको दवाबलाईबेवास्था गर्दै साधारण सभा सोमबार नै निर्वाचन गर्ने निर्णयमा पुगेको हो|
