काठमाडौं (हाम्रो खेलकुद) – राजधानीमा जारी एभरेष्ट प्रिमियर लिग (इपिएल) टी–ट्वान्टी क्रिकेट प्रतियोगितामा चितवन टाइगर्सले पोखरा राइनोजलाई जितका लागि १ सय १४ रनको लक्ष्य दिएको छ ।
कीर्तिपुरस्थित त्रिवि क्रिकेट मैदानमा मंगलबार टस हारेर पहिले ब्याटिङ गरेको चितवनले पुरै २० ओभर खेल्दै ९ विकेट गुमाएर १ सय १३ रनको मध्यम स्कोर बनाएको हो । चितवनका लागि कप्तान दीपेन्द्रसिंह ऐरीले सर्वाधिक ४२ रन बनाए ।
अनिल मण्डल ३२, भीम सार्की ८, योगेन्द्रसिंक कार्की ७, सुनाम गौतम ७ रनमा आउट भए । पोखरा राइनोजका इसरुल्लाहले सर्वाधिक ४ विकेट लिए । ताज वालीले ३ तथा कप्तान शक्ति गौचन र विक्रम सोबले समान १ विकेट लिए ।
