क्लब क्रिकेट च्याम्पियनसिप यसै महिना

काठमाडौं – यसै महिनाको अन्त्यरमा राजधानीमा प्रथम राष्ट्रिय अन्तर क्लब क्रिकेट च्याम्पियनसिप आयोजना हुने भएको छ । युवा संघ नेपालको आयोजनामा पुस २८ गते देखि
आठ दिनसम्म चल्ने प्रतियोगिता कीर्तिपुरस्थित त्रिभुवन अन्तर्राष्ट्रिय क्रिकेट मैदान र ललितपुरका पुल्चोक इन्जिनियरिङको मैदानमा हुनेछ ।
अन्तर क्लबमा त्रिभुवन आर्मी क्लबसहित १६ टोलीको सहभागिता रहने आयोजकले जनाएको छ । प्रतियोगिता नकआउटका आधारमा हुनेछ ।
युवा संघ खेलकुद विभागका प्रमुख बेग बहादुर पान्डेले स्थानियस्तरका खेलाडी उत्पादनका लागि प्रतियोगिता सहयोगी हुन सक्ने विश्वास व्यक्त गरे ।
उपत्यका बाहिरका टोलीको समेत सहभागिता रहने पुस २६ गते सम्म प्रतिस्पर्धी टोलीको टुंगो लाग्ने बताइएको छ । क्लब च्याम्पियनसिपको विजेताले १ लाख १ हजार १ सय ११ रुपैया र दास्रो हुने टोलीले ५१ हजार १ सय ११ रुपैयाँ पाउनेछन् ।
प्रतियोगिताको म्यान अफ दी म्याच, म्यान अफ दी सिरिज, उत्कृष्ट ब्याट्सम्यान, उत्कृष्ट बलर, उत्कृष्ट फिल्डर र उदयमान खेलाडी छनोट गरि पुरस्कृत गरिनेछ ।