नेपाली युवा टोली एसिसी यू–१९ प्रिमियर ट्रफी खेल्न बुधबार मलेसिया जादैछ । ६ देशको सहभागितामा प्रतियोगिता शुक्रबार सुरु हुनेछ ।

होटल क्राउन प्लाजामा आयोजित कार्यक्रममा युवा तथा खेलकुद मन्त्रालयका सचिव दीपेन्द्रनाथ शर्माले खेलाडीलाई शुभकामना दिदै मंगलबार विदाइ गरे ।
सचिव शर्माले खेलाडीलाई बढी उत्साहि वा निराश नभइकन खेल्न सुझाव दिए । ‘क्रिकेट अनिश्चिताको खेल हो । तर यसमा अन्तिम सम्म प्रयास गर्नुपर्छ,’ उनले भने,‘ खेलमा हार जित स्वभाविक हो । खेलाडीले आफ्नो तर्फबाट पुरा प्रयास गर्नुपर्छ ।’ कार्यक्रममा राष्ट्रिय युवा टोलीका प्रशिक्षक जगट टमाटाले उच्च प्रदर्शनको अपेक्षासहित मलेसिया जान लागेको बताए ।
‘हामी मानसिक र शारीरिक रुपमा पूर्ण रुपमा तयार छौं,’ उलने भने,‘ हामीसाग अलराउन्ड खेलाडी पर्याप्त छन् । त्यसैले पनि अलराउन्ड बेसिसमा प्रदर्शन गर्ने हाम्रो प्रयास हुनेछ । उपाधि जित्ने प्रयासका साथ खेल्नेछौं । सबै खेल फाइनल सम्झेर खेल्नेछौं । ’
प्रशिक्षकको भनाइमा सहमति जनाउादै कप्तान राजु रिजालले भने,‘ खेलाडीले धेरै मेहनत गरेका छन् । हामीबाट अपेक्षा पनि धेरै गरिएको छ । देशका लागि जिम्मेवारी निर्वाह गर्नुपर्छ भन्नेमा सबै खेलाडी सचेत छन् ।’
नेपालले शुक्रबार पहिलो खेलमा युएइको सामना गर्नेछ ।

नेपाली यू– १९ क्रिकेट टोली टोली

राजु रिजाल (कप्तान), आरिफ शेख, दीपेश श्रेष्ठ, सौरभ खनाल, प्रेम तामाङ, शुसिल कडेल, दीपेन्द्र ऐरी, सुनिल धमला, शंकर राना, योगेन्द्रसिंह कार्की, सन्दीप सुनार, राजवीर सिंह, ललितनारायण राजवंशी, आशिष धामी , जगत टमाटा (प्रशिक्षक),श्रील भगत (फिजियो), अनुप थापा (व्यवस्थापक)

नेपालको खेल

विरुद्ध युएइ अगस्ट २८
विरुद्ध अफगानिस्तान अगस्ट २९
विरुद्ध मलेसिया अगस्ट ३१
विरुद्ध कुवेत सेप्टेम्बर १
विरुद्ध साउदी अरेबिया सेप्टेम्बर ३