काठमाडौं, माघ १४ बंगलादेशमा जारी आइसिसी यु–१९ विश्वकप क्रिकेटमा नेपालले विजयी सुरुआत गरेको छ ।
समूह चरणको आफ्नो पहिलो खेलमा टेस्ट मान्यता प्राप्त राष्ट्र न्यूजिल्याण्डलाई ३२ रनले पराजित गर्दै विजयी सुरुआत गरेको हो ।
नेपालले दिएको २३९ रनको लक्ष्य पछ्याएको न्यूजिल्याण्ड नेपालका स्पिनरहरु चम्केपछि धराशयी बनेको न्यूजिल्याण्ड ४७.१ ओभरमा २०६ रनमा समेटियो । नेपालका लागि दिपेन्द्र ऐरीले सर्वाधिक तीन विकेट लिए । उनले पाँच ओभरमा २४ रन खर्चदै तीन विकेट लिएका थिए ।
टस हारेर पहिलो ब्याटिङ गरेको नेपालले पूरा ५० ओभर खेलेर सात विकेट गुमाउदै २सय ३८ रन बटुलेको थियो । नेपालका लागि कप्तान राजु रिजालले सर्वा्धिक ४८ रनको योगदान दिए । उनले ६५ बल खेल्दा ६ चौका प्रहार गरेका थिए । कप्तानलाई बलियो साथ दिँदै आरिफ सेखले ६० बलमा ३९ बनाए । उनको इनिङमा ३ चौका सामेल थियो ।
प्रारम्भिक जोडी सन्दिप सुनार र सुनिल धमलाले पहिलो विकेटका लागि ३९ रनको साझेदारी गरेका थिए । सुनिल १५ तथा सन्दिप ३९ रनमा आउट भए । योगेन्द्रसिंह कार्कीले ५ रन मात्र जोडे ।
पछिल्लो क्रमका राजवीर सिंह, दिपेन्द्र ऐरी र कुशल भुर्तेलले पनि महत्वपूर्ण रन बटुले । उनीहरुले क्रमशः २४, १६ र ३५ को योगदान दिएका छन् । अन्तिम ओभरहरुमा कुशलको आक्रामक ब्याटिङले नेपाललाई सम्मानजनक योगफलतर्फ अघि बढाएको थियो । न्यूजिल्याण्डका लागि नाथन स्मिथले ३ विकेट लिए ।
नेपालले अब शनिबार आयरल्याण्डसँग खेल्नेछ ।
