काठमाडौं माघ १६ । बंगलादेशमा जारी आईसिसी यू-१९ विश्वकप क्रिकेटमा नेपालले आयरल्याण्ड माथि ८ विकेटको शानदार जित हात निकालेको छ ।
लगातार दोस्रो जित निकालेसंगे नेपाल दोस्रो चरणको नजिक पुगेको छ । नेपालले आफ्नो पहिलो खेलमा टेष्ट मान्यता प्राप्त राष्ट्र न्युजिल्याण्डलाई ३२ रनले पराजित गरेको थियो ।
आयरल्याण्ड दिएको १३२ रनको झिनो चुनौती नेपालले २५.३ ओभरमा दुइ विकेट गुमाउदै पुरा गर्यो । नेपालको जितमा योगेन्द्र सिंह कार्कीले नट आउट ६१ तथा आरिफ सेखले ३१ रनको परि खेले । यस आघि ओपनर सन्दिप सुनार सुन्य रनमा तथा सुनिल धमला २८ रनमा आउट हुदा नेपाललाई दबाब बढेको थियो । त्यसपछि तेस्रो र चौथो नम्बरमा ब्याटिंग गर्न आएका योगेन्द्र सिंह कार्की र आरिफ सेखले तेस्रो विकेटको लागि ७७ रनको साझेदारी गर्दै नेपाललाई लगातार दोश्रो जित दिलाए । आयरल्याण्डका ग्यारी र जोसुवा ले एक-एक विकेट लिए ।
बंगलादेशको फतुल्लाह क्रिकेट मैदानमा भएको खेलमा फेरि एकपटक नेपालका बलरहरु चम्केपछि टस जितेर पहिले ब्याटिङ गरेको आयरल्याण्डले निर्धारित ५० ओभरमा ९ विकेट गुमाएर १३१ रन मात्र जोड्न सक्यो ।
आयरल्याण्डका ज्याक हेक्टरले अविजित ३० रन जोडे । यस्तै हेरी टेक्टरले २७ रन जोड्नु बाहेक आयरल्याण्डका अन्य ब्याट्सम्यान नेपाली बलरसामु निरिह नै देखियो । नेपालका लागि सनिदप लामिछानेले ह्याट्रिकसहित पाँच विकेट लिए । यस्तै दिपेनद्र ऐरीले दुई तथा सुशिल कंडेल र सुनिल धमलाले समान एक–एक विकेट लिए ।
अर्को खेलमा भारत न्यूजिल्याण्डलाई हराए नेपाल समूह चरणको अन्तिम खेल अघि क्वार्टरफाइनलमा पुग्नेछ ।
समूह चरणको अन्तिम खेलमा सोमबार नेपालले भारतसँग खेल्नुपर्नेछ ।
