नेपाल भारतसँग पराजित

काठमाडौं, माघ १८ आइसीसी यु–१९ विश्वकप क्रिकेट प्रतियोगितामा नेपाल भारतसँग ७ विकेटले पराजित भएको छ । जितसँगै भारत समुह ‘डी’ को विजेता बनेको छ । यु–१९ विश्वकपको दोस्रो भेटमा पनि नेपाल भारतसँग पराजित भएको हो । यसअघि सन् २००० मा पनि नेपाल आठ विकेटले पराजित भएको थियो ।

सोमबार बंगलादेशको ढाकामा टस हारेको नेपालले पहिलो ब्याटिङ गदै निर्धारित ४८ ओभरको खेलमा आठ विकेट गुमाएर १सय६९ रनको मध्यम योगफल जोडेको थियो ।

सन्दिप सुनारले सर्वाधिक ३७ रन जोडेपनि नेपाललाई जित दिलाउन सकेन । यसैगरी राजविर सिंहले ३५ रन, प्रेम तामाङले अविजित २९ र आरिफ शेखले २६ रन जोडे । भारतका अभेष खानले ३ विकेट लिए ।

जवाफमा भारतले १८.१ ओभरमा तीन विकेट गुमाई विजय लक्ष्य प्राप्त ग¥यो । भारतका लागि ओपनर रिसहाब पन्तले सर्वाधिक ७८ रन बनाए । कप्तान इसान किसनले ५२ रन जोडे । नेपालका सन्दिप लामिछानेले १ विकेट लिए । भारतविरुद्वको खेलमा नेपालका बलरहरु निरिह देखिए ।
यसअघि नेपालले पहिलो खेलमा न्युजिल्यान्डलाई ३२ रन र आयरल्यान्डलाई ८ विकेटले हराउँदै क्वाटरफाइनलको यात्रा तय गरेको थियो ।