काठमाडौं, २८ माघ
बंगलादेशमा जारी यू–१९ विश्वकप क्रिकेटको सुपरलिग प्लेअफको तेस्रो स्थानको लागि नेपाल र नामिवियाबीच प्रतिस्पर्धा हुने भएको छ ।

बुधबार भएको सुपरलिग प्लेअफ सेमिफाइनलमा नामिबिया इंग्ल्याण्डसँग २०३ रनले पराजित भएको छ । यससँगै नेपालले नामिबिया प्रतिद्वन्द्वी पाएको हो ।
अब सन् २०१८ मा हुने विश्वकपको अर्को संस्करणमा सोझै छनौट हुन नेपालले बिहिबार नामिवियालाई हराउनै पर्ने हुन्छ ।
आईसीसीले यो संस्करणमा शीर्ष स्थानमा रहने एसोसिएट टिमले अर्को विश्वकपमा सोझै स्थान बनाउने निर्णय गरेको थियो । यो पटक नेपाल र नामिबिया क्वार्टरफाइनलमा पुगेका थिए ।
अब सुपरलिग प्लेअफको तेस्रो स्थानको लागि नेपाल र नामिविया भिड्ने भएपछि यो खेलको विजेताले नै अर्को विश्वकपमा स्थान बनाउनेछ ।