आरजे स्पोर्टसले धनगढी क्रिकेट एकेडेमी (डिसिए) को क्रिकेट टोलीलाई जर्सी प्रायोजन गरेको छ । आरजे स्पोर्टस्का प्रबन्ध निर्देशक जनक न्यौपानेले डिसिएका अध्यक्ष सुवास शाहीलाई जर्सी हस्तान्तर गरेका थिए ।
नेपाल क्रिकेट स्कुलसाग हुने मैत्रीपूर्ण खेलका दौरान डिसिए टोलीले आरजेले प्रायोजन गरेको जर्सी प्रयोग गर्नेछन् । डिसिए र क्रिकेट स्कुलबीच एउटा दुई दिवसीय, ३/३ वटा एक दिवसिय र ट्वान्टी–२० क्रिकेट हुनेछ । मैत्रीपूर्ण श्रृखंलाका लागि क्रिकेट स्कुल टोली धनगढी पुगिसकेको छ ।
डिसिएका अध्यक्ष शाहीले आरजेसागको सहकार्यले उत्साहित बनाएको र आउने दिनमा पनि यसले निरन्तरता पाउने विश्वास व्यक्त गरेका छन् । आरजेले नेपाल खेलकुद पत्रकार मञ्चले आयोजना गर्ने पल्सर स्पोर्टस् अवार्ड, फोटो पत्रकार क्लबले आयोजना गर्ने स्पोर्टस फोटो अवार्डलगायत अन्य खेलकुद संघ संस्थालाई सहयोग गर्दै आएको छ।
