नेपाली युवा क्रिकेट टोलीले मलेसियामा जितका साथ एसिसी यु–१९ प्रिमियर लिगको सुरुआत गर्ने क्रममा शुक्रबार संयुक्त अरब इमिरेट्सलाई १ सय ४९ रनले हराएको छ ।
मलेसिया जांदै युवा क्रिकेट टिम
सुशील काडेलको ४ विकेट र कप्तान राजु रिजालको अर्धशतक उच्च प्रदर्शनबाट प्रेरित टोलीले प्रतियोगितामा दमदार सुरुआत गरेको हो ।
क्वालालम्पुरस्थित बायुमास ओभलमा टस जितेर ब्याटिङ गर्दै नेपालले ४९.२ ओभरमा सबै विकेट गुमाएर १ सय ९९ रन बनायो । जवाफमा नेपालले २०.५ ओभरमा रोकेको युएईले ५० रनमात्र बनाउन सक्यो ।
युएईलाई तहसनहस पार्ने क्रममा सुशीललाई सुनील धमला र प्रेम तामाङले राम्रो साथ दिए । म्यान अफ दी म्याच चुनिएका सुशीलले ७ ओभरमा ४ विकेट लिए भने त्यत्ति नै ओभरमा सुनिलले ३ विकेट लिए । प्रेमले जम्मा ५ बलमा २ विकेट हात पारे ।
२ सय रनको लक्ष्य पछयाएको युएईका लागि ओपनर कप्तान वारुना पेरेरा र जाफ्री जाफरडिनबाहेक कुनै पनि खेलाडी जम्न सकेनन् । पेरेराले ३ चौका र १ छक्कासहित ३२ रन र जाफरडिनले २४ बलमा १ चौकासहित १२ रन जोडे । युएईका ६ ब्याट्सम्यानले खातासम्म खोल्न सकेनन् भने बााकी ३ खेलाडीले समान १ रन जोडे । पछिल्ला ९ विकेट गुमाउादा युएईले मात्र १६ रनमा बटुल्यो ।
४ बल अगाडी अलआउट भएको नेपाल कप्तान राजुले ६२ रन बनाए । ८४ बल खेल्दै उनले ६ चौका र १ छक्का हाने । ओपनर सन्दीप सुनार र आरिफ शेखले दोस्रो विकेटमा ३७ रनको साझेदारी गरे । सन्दीपले १८ र आरिफ २२ रन बनाए । नेपालले शनिबार अफगानिस्तानसाग खेल्ने ।
राजुले दीपेन्द्रसिंह ऐरीसाग छैटौं विकेटका लागि ५२ रनको साझेदारी गरे । राजु र सौरभ खनालबीच सातौं विकेटका लागि पनि ५२ रनको साझेदारी बन्यो । दीपेन्द्रले २० र सौरभले २४ रन बनाए ।
६ टोलीले भाग लिएको प्रतियोगितामा नेपाल २ अंकसहित तेस्रो स्थानमा छ । समान २ अंक जोडेपछि नेट रनरेटका आधारमा अफगानिस्तान पहिलो र मलेसिया दोस्रो स्थानमा छन् ।
