बिसाखापट्नम (एजेन्सी ) – वेस्ट इन्डिजविरुद्धको दोस्रो एक दिवसिय क्रिकेट टाईमा टुंगिनुमा कप्तान विराट कोहलीको गल्ति रहेको केहि भारतीय सञ्चारमाध्यमले आरोप लगाएका छन् ।

बिसाखापट्नममा बुधबार भएको खेलमा विराटले दुईवटा कीर्तिमानी बनाएका थिए । भारतका लागि सबैभन्दा छिटो दश हजार रन पुरा गरेका विराटले सबैभन्दा बढी म्यान अफ दी म्याच जित्ने खेलाडीको कीर्तिमान पनि राखेका थिए । विराटले सो खेलमा अविजित १ सय ५७ रन जाडेको थियो ।

जितका लागि ३ सय २२ रनको लक्ष्य पछ्याएको वेस्ट इन्डिजले पनि ३ सय २१ रन बनाएपछि खेल टाई भएको हो । खेल टाइ हुनुमा विराटकै गल्ति रहेको सञ्चारमाध्यमले उल्लेख गरेका छन् । इन्डिया टिभी स्पोट्र्सले गरेको समचार विश्लेषणमा विराटले त्यो गल्ती नगरेको भए खेल टाई नभएर भारतले जित्ने दाबी गरिएको छ ।

११ औं ओभरमा नर्सको पहिलो बलमा स्क्वार लेगमा शर्ट प्रहार गर्दै विराट २ रन लिनका लागि तिब्रगतिमा दौडिए । पहिलो रन पुरा गरेका उनले दोस्रो रन लिने क्रममा गल्ति गरिएको औल्याइएको छ । आफै पुनः स्ट्राइक लिन तिब्र गतिमा दौडीएका उनले रेखा नछोइ दौडिए ।

उनको त्यो गल्ती अम्पायरले देखेपछि भारतको स्कोर वोर्डबाट १ रन काटियो । यदि विराटनले त्यो रन नियमपूर्वक पुरा गरेको भए भारतले खेल १ रनले जित्न सक्थ्यो । नन स्ट्राइकमा अम्बित रायडू थिए ।

अन्तिम बलमा वेस्ट इन्डिजलाई ५ रन चाहिएको अवस्थामा होपले चौका प्रहार गर्दै खेललाई टाइ बनाएका थिए । विराटले त्यो एक रन राम्रोसँग लिएको भए अन्तिम बलमा चौका प्रहार गरेपनि खेल भारतले जित्ने थियो ।

भारतीय केहि सञ्चारमाध्यमले विराटलाई स्थार्थी खेलाडीको पनि संज्ञा दिएका छन् । यस्तै गल्ती भारतले सन् २०११ को विश्व कपमा पनि गरेको थियो । जसका कारण इङ्ल्यान्डसँग खेल टाई भएको थियो । त्यसबेला भारतका ब्याट्सम्यान मुफान पटेलले त्यस्तो गल्ति गरेका थिए ।