काठमाडौँ, चैत्र २ । चितवनको कुरिनटारमा अन्तर कर्पोरेट बिच क्रिकेट प्रतियोगिता हुने भएको छ । कञ्चनजंघा इन्टरनेसनलको आयोजनमा दुई चरणमा चैत ५ बाट हुने प्रतियोगिता हुने आयोजकले जानकारी गराएको हो ।
लिगकम नकआउटका आधारमाहुने प्रतियोगितामा विभिन्न कर्पोरेट हाउसका गरी कुल २८ टिमको सहभागिता रहने आयोजकले जनाएको छ । चैत ५ र ६ गते हुने प्रतियोगिताको पहिलो चरणमा १४ टोलीले प्रतिस्पर्धा गर्नेछन् । दोस्रो चरणको खेल चैत १२ र १३ गते हुनेछ, जसमा पनि १४ टोलीले नै प्रतिस्पर्धा गर्नेछ । दुवै चरणको बिजेताले फाइनलमा प्रतिस्पर्धा गर्ने आयोजकले जनाएको छ ।
प्रतियोगिताका खेलहरु सुपर सिक्सेसको आधारमा हुनेछन् । हरेक टोलीमा एक महिला खेलाडी अनिवार्य राखिएको छ ।
कञ्चनजंघा इन्टरनेसनलका प्रमुख कार्यकारी अधिकृत(सिइओ) सुबास प्रधानले क्रिकेट खेलाडी उत्पादन गर्ने उद्देश्यले छिट्टै नै राष्ट्रिय स्तरको खुल्ला क्रिकेट प्रतियोगिता र अन्तर स्कुल क्रिकेट प्रतियोगिताको आयोजना गरिने बताए ।
प्रतियोगिताका सवै खेलहरु कुरिनटारस्थित डालीमा होलिडे रिसोर्ट हुनेछ ।
