पोखरा (हाम्रो खेलकुद) – पोखरा प्रिमियर लिग (पीपीएल) को दोस्रो खेलमा चितवन राइनोजलाई ७० रनले हराउँदै बुटवल ब्लास्टर्सले प्रतियोगितामा सानदार सुरुवात  गरेको छ । सामान्य १ सय ३६ रनको लक्ष्य पक्ष्याएको चितवन १६.५ ओभरमा मात्र ६५ रनमा अल आउट भयो ।

सामान्य लक्ष्य पक्ष्याएको चितवनका लागि कप्तान पारस खड्काले १० र भुवन कार्कीले १९ रन बनाउन बाहेक अन्य कुनैपनि खेलाडीले बुटवलका बलर सामु क्रिजमा टिकेर सम्झन योग्य रन बनाउन सकेनन् । चितवनका ३ जनाले खाता सम्म खोल्न नसक्दा अन्य ६ जना ब्याटम्यानले दोहोरो अंकमा रन छुन सकेनन् । सहज जित दिलाउन बुटवलका यी ३ खेलाडी नायक सावित हुदाँ कप्तान पारसको टिम चितवनले सामान्य लक्ष्य पुरा गर्न मात्र सकेन,जितको आसा फराकिलो हार ब्योहोदैँ निरासामा बदलियो ।

सोमपाल कामी

कप्तान समेत रहेका त्रिब गतिका बलर सोमपाल कामी चितनवका लागि आज घातक र टाउको दुखाइका बलर बन्न पुगे । सामान्य स्कोर रक्षा गर्न सोमपालले मात्र ४ ओभरमा १३ रन खर्चेर चितवनका टप अडरका मुख्य ४ ब्याटम्यानलाई पेभिलिएन फर्काए । पहिलो ओभरको चौथो बलमै ओपनर अनिल कुमार शाहलाई सिद्दान्त लोहनीको हातबाट क्याच आउट गराउदैँ मैदान छिरेको केहि मिनेटमै पेभिलिएनको बाटो फर्काएका थिए । तेस्रो ओभरमा पुन आफ्नो दोस्रो ओभर बलिङ लिएर आएका सोमपालले १० रन बनाई खेली रहेका कप्तान पारस खड्कालाई दोस्रो बलमा र तेस्रो बलमा आरिफ शेखलाई खाता खोल्न नदिई आउट गरेपछि चितवन पूर्ण रुपमा दवावमा आएको थियो ।

यी दुबै खेलाडीलाई सागर पुनको हातबाट क्याच आउट गराएका थिए । सोमपाल यतिकैमा रोकिएनन् । आफ्नो ब्यक्तिगत तेस्रो स्पेल लिएर पाँचौ ओभरमा बलिङ गर्न आएका उनले चौथो बलमा स्मित पटेललाई २ रनमा आउट गरेपछि सामान्य स्कोरमा पनि जित संभव बनाएका थिए । म्यान अफ द म्याच घोषित भएका सोमपलको घातक बलिङनै बुटवलको फराकिलो जितको बलियो आधार रह्यो ।

ललित भण्डारी

चितवनलाई सस्तैमा रोक्न तिब्र गतिका बलर ललित भण्डारीले पनि उत्कृष्ट प्रर्दशन गरे । ३ ओभरमा १४ रन खर्चेका उनले चितवनका टप अडरका दुई ब्याटम्यानलाई पेभिलिएनको बाटो देखाएका थिए । आफ्नो पहिलो स्पेल लिएर दोस्रो ओभरमा बलिङ गर्न आएका भण्डारीले हिटर सोनु तामाङलाई अन्तिम बलमा वोल्ड आउट गर्दै खाता खोल्न नदिइ आउट गरे । त्यस्तै आफ्नो तेस्रो ओभर लिएर छैटौँ ओभरमा बलिङ गर्न आएका भण्डारीले भारतीय ब्याटम्यान सन्नी पटेललाई ९ रनमा पेभिलिएन फर्काउदैँ जित निश्चित जस्तै गराएका थिए ।

शंकर राना

भिम सार्की पाचौँ ओभरमा आउट भएपछि मैदान प्रवेश गरेका राना १९.४ ओभरमा आरिफको हातबाट रन आउटको शिकार हुनुअघि चितवनका बलरलाई डटेर सामाना गरे । बुटवलको स्कोर वोर्डमा १ सय ३५ रन सम्म पुर्याउन उनले महत्वपूर्ण ब्याटिङ गरे । बुटवललाई समान्जनक र प्रतिस्पर्धात्मक लक्ष्य सम्म पुर्यान उनले ४८ रन प्रहार गरेका थिए । ४१ बलको सामना गरेका उनले ५ चौका र १ छक्का प्रहार गरे ।