एजेन्सी – सन् २०१९ मा इङ्ल्यान्ड र वेस्समा संयुक्त रुपमा आयोजना हुने एक दिवसिय क्रिकेट विश्वकप आगमी मे ३० देखी जुल १४ सम्म इङ्ल्यान्ड र वेल्सका विभिन्न सहरमा हँदै छ ।

अन्तर्राष्ट्रिय स्तरमा पछिल्लो प्रर्दशन, नतिजा र विश्वकपको तयारी हेर्ने हो भने विश्वकपमा सबैभन्दा बलियो दावेदारको रुपमा भारतलाई लिन सकिन्छ । भारतीय क्रिकेट टोलीले विश्वकप जित्ने लक्ष्य सहित त्यहि अनुसारको तयारी गरि रहेको छ । सेप्टेम्बर ११ मा सम्पन्न इङ्ल्यान्ड भ्रमणमा खराव प्रर्दशन गरेपछि भारतीय क्रिकेट कन्ट्रोल बोर्ड (बीसीसीआई) ले अफिसल,प्रशिक्षक, टिम छनोट कर्ता र केहि सिनियर खेलाडीको समिक्षा वैठक बोलायो । इङ्ल्यान्ड भ्रमणमा भारतले ३ टी–२० श्रृंखला २ – १ ले जित्दा ३ वान डे श्रृखला २ – १ र ५ टेष्ट श्रृखला ४– १ ले गुमाउन पुगेको थियो । जुन भ्रमण भारत सम्झन चाहान्न ।

यसै भ्रमणको समिक्षा र आगमी विश्वकपको तयारीको बारे हैदराबादामा विसीसीआईका अध्यक्ष, सिइओ, कप्तान विराट कोहली,उपकप्तान अजिन्क्य रहाने, रोहित शर्मा, प्रशिक्षक रवि शास्त्री र मुख्य चयनकर्ता एमएसके प्रसाद लगायतको बैठक बस्यो । वैठकमा विश्वकप तयारीका साथै खेलाडीहरुले आफ्ना माग र गुनासोहरु बीसीसीआई सामु ब्यक्त गरे । हैदराबाद सम्पन्न बैठकमा भारतीय खेलाडीहरुले केहि अचम्मका गुनासो र माग गरे । उक्त माग सुनेर बैठकमा केहि समय हासो चल्यो ।

भारतीय चर्चित मिडिया इन्डियन एक्सप्रेसका अनुसार,बैठकमा भारतीय खेलाडीहरुले इङ्ल्यान्ड भ्रमणको बेला आफुहरुले केरा खान नपाएको र खेल हुदाँ अनिवार्य नास्ताको रुपमा अन्य फलफुलसँगै केरा दिनु पर्ने माग राखे । बैठकमा केरा मात्र होइन विश्वकपका दौरान आफ्ना पत्नीहरुलाई लैजान र आफूसँगै साथमा राख्न पाउनुपर्ने माग समेत उठ्यो । उक्त माग कप्तान विराट कोहली स्वयंले राखेका थिए । यसैगरी बसको साटो ट्रेन प्रयोग गर्न दिनु पर्ने,खेलाडीहरु बस्ने होटलमा व्यवस्थित जिम अनिवार्य हुनुपर्ने लयागतमा अन्य माग पनि राखेको एक्सप्रेसले समचारमा सम्प्रेषण गरेको छ ।

माग सुनेपछि बीसीसीआईले खेलाडीहरुका लागि पर्याप्त केरा खरिद गर्न आदेश दिएको छ भने पत्नीहरुलाई साथमा राख्नेसम्बन्धी विषयमा टिमका सबै सदस्यहरुसँग लिखित सहमति माग्ने जनाएको छ । त्यस्तै बसको सट्टा ट्रेन प्रयोग गर्दा सुरक्षाको चिन्ता हुने बीसीसीआईले खेलाडीलाई बताएको छ ।