केरला (एजेन्सी)-  वेस्ट इन्डिजसँगको पाँच वान डे क्रिकेट श्रृंखला भारतले ३ – १ ले जितेको छ । आजको भएको पाँचौ तथा अन्तिम खेलमा खेलमा पाहुना टोली वेस्ट इन्डिजलाई ९ विकेटले पराजित गर्दै श्रृंखला आफ्नो कव्जामा पारेको हो ।

वेस्ट इन्डिजले दिएको १ सय ५ रनको सामान्य लक्ष्य भारतले १४.५ बलमा १ विकेट गुमाउदैँ लक्ष्य सहजै पुरा गरेको हो । भारतको सहज जितमा ओपनर रोहित शर्माले ५६ बलमा ५ चौका र ४ चौका प्रहार गर्दै ६३ रनमा नट आउट रहे । त्यस्तै शिखर धवन ६ रनमा आउट हुदाँ कप्तान विराट कोहली ३३ रनमा अविजित रहे ।

यस अघि ग्रिनफिल्ड इन्टरनेशनल स्टेडियममा टस जितेर पहिला ब्याटिङ गरेको वेस्ट इन्डिज ३२ औं ओभरमा अलआउट हुँदै मात्र १ सय ४ रन जोड्न सक्यो । वेस्ट इन्डिजका लागि कप्तान जोसन होल्डरले २५ तथा मार्लन स्यामुएल्सले २४ रन जोड्न बाहेक अन्य कुनै पनि ब्याटम्यानले सम्झन योग्य पर्दशन गर्न सकेनन् ।

वेस्ट इन्डिजका ३ ब्याटम्यानले खाता सम्म खोल्न नसक्दा ५ ब्याटम्यानले दोहोरो अंकमा रन जोड्न सकेनन् । वेस्ट इन्डिजलाई सस्तैमा अल आउट गर्न भारतका रविन्द्र जडेजाले ४, जसप्रति बुमराह र खलिल अमिदले समान दुई विकेट लिए ।

त्यस्तै भुवनेश्वर कुमार र कुलदीप यादवले समान एक विकेट हात पारे । यस अघि पहिलो खेल भारतले ८ विकेटले जित्दा दोस्रो खेल टाई भएको थियो । तेस्रो खेलमा वेस्ट इन्डिज ४३ रनले विजयी हुँदा चौथो खेलमा २ सय २४ रनले पराजित भएको थियो । अव वेस्ट इन्डिज र भारतबीच अव ३ टी– २० क्रिकेट श्रृंखला हुने छ । पहिलो खेल आगमी नोभेम्बर ४ मा इडेन गार्डेन कोलकर्तामा हुने छ ।