धनगढी, चैत १३
टिम चौराहा सगरमाथा सिमेन्ट धनगढी क्रिकेट लिग सिजन–३ को च्याम्पियन बनेको छ ।
धनगढीमा शनिबार सम्पन्न निकै रोमाञ्चक फाईनल खेलमा सिवाईसी अत्तरियालाई सुपर ओभरमा पराजित पार्दै चौराहाले उपाधि जितेको हो । उपाधिसँगै चौराहाले ३ लाख तथा उपविजेता टोली सिवाईसी अत्तीरियाले १ लाख ५० हजार प्राप्त ग¥यो ।
टस जितेर पहिले ब्याटिङमा उत्रेको चौराहाले निर्धारित २० ओभरमा ९ विकेट गुमाएर १४६ रन बनायो । चौराहाका लागि दिपेन्द्र थापाले सर्वाधिक ३७ रनको पारी खेले । त्यस्तै चौराहाका लागि योगेन्द्र कार्कीले २६ तथा विपिन रावलले २० रन बनाए । सिवाईसी अत्तरियाका सुरेन्द्र चन्दले ४ तथा प्रेम तामाङले २ विकेट लिए ।
जवाफी ब्याटिङमा सिवाईसी अत्तरियाले पनि २० ओभरमा आफ्ना ९ विकेट गुमाएर १ सय ४६ रन नै बनाउँन सक्यो । प्रेम तामाङले ६३ रनको अर्धशतकिय पारी खेले पनि अन्य ब्याट्सम्यानको उल्लेखनिय प्रदर्शन गर्न नसक्दा टीमले विजयी स्कोर बनाउँन सकेन् । अमन पन्थी र सोनु तामाङले समान २ विकेट लिएर सिवाईसी अत्तरियालाई रोके ।
सुपर ओभरमा पहिले ब्याटिङ गर्न आएको सिवाईसी अत्तरियाले ३ रन मात्र बनाउँन सक्यो । पहिलो बलमै विनोद भण्डारीलाई योगेन्द्र सिंह कार्कीले बोल्ड गरे भने पाचौ बलमा प्रेम तामाङ रन आउँट भएपछि सिवाईसीले ४ रनको लक्ष्य पायो । जवाफी ब्याटिङमा आएको चौराहाका भुवन कार्कीले पहिलो बलमा डट र दोस्रो बलमा चौका प्रहार गर्दै चौराहालाई च्याम्पियन बनाए । म्यान अफ द फाईनल प्रेम तामाङ भए ।
म्यान अफ द सिरिज क्याम्पसरोडका सन्तोष भट्टले नगद ५० हजार हात पारे ।
