काठमाडौं (हाम्रो खेलकुद)-– नेपाली राष्ट्रिय महिला क्रिकेट टोलीकी कप्तान रुबिना क्षेत्री बेलबासेले थाइल्याण्डमा सम्पन्न महिला टि–ट्वान्टी स्मास प्रतियोगिताबाट धेरै सिक्ने मौका पाएको बताएकी छिन् ।
थाइल्यान्ड उपविजेता बनेर आइतबार स्वदेश फर्किएपछि त्रिभुवन अन्तर्राष्ट्रिय विमानस्थलमा सञ्चारकर्मीसँगको कुराकानीका क्रममा रबिनाले यस्तो बताएका हुन् ।
समूह चरणका सबै चार खेल जितेको नेपाली टोलीले सेमिफाइनलमा इन्डोनेसियालाई सहजै हराएको थियो । तर, फाइनलमा भने नेपाली टोली थाइल्यान्डसँग ७० रनले पराजित भएको थियो । १ सय २२ रनको लक्ष्य पछ्याएको नेपाली टोलीले १७.२ ओभरमा सबै विकेट गुमाएर मात्र ५१ रन जोड्न सक्यो ।
‘हामीले पछिल्लो एक महिनाको अवधिमा प्रशिक्षक विनोद दासबाट धेरै कुरा सिक्ने मौका पायौ । थाइल्यान्डमा राम्रो प्रदर्शन भएपनि फाइनलमा चुक्यौं । यो प्रतियोगिताबाट हामीले धेरै कुरा सिक्न पायौ । अब हामी हाम्रो कमजोरी सुधार गर्दै विश्वकप छनोटमा राम्रो प्रदर्शन गर्ने प्रयासमा हुनेछौं,’ कप्तान रुबिनाले भनिन्, ‘समूह चरणमा सहजै जित निकालेपनि फाइनलमा थाइल्यान्ड विरुद्ध मानसिक रुपमा तयार हुन नसक्दा हार बेहो¥यौं । हार र जित आफ्नो ठाउमा रहेपनि हामीले यो प्रतियोगिताबाट अन्य टोलीलाई जाच्दै आफ्नो कमजोरी सुधार्ने मौका पाएका छौं ।’
जति तयारीको अवसर पाएको थियो त्यसका आधारमा खेलाडीले थाइल्यान्डमा उत्कृष्ट प्रदर्शन गरेको रुबिनाले दोहो¥याइन् । फेब्रुअरी १८ बाट थाइल्यान्डमै हुने ट्वान्टी–२० विश्वकप छनोट प्रतियोगितामा नेपालले चीन, हङकङ, कुवेत, मलेसिया, ९युएई० र थाइल्यान्डसँग राउन्ड रोविन लिगमा प्रतिस्पर्धा गर्नेछ ।
