काठमाडौं (हाम्रो खेलकुद) – राष्ट्रिय क्रिकेट टोलीका युवा स्पिनर सन्दीप लामिछाने सोमबार बंगलादेशबाट स्वेदश फर्कने भएका छन् ।
सिल्हेट सिक्सर्सबाट बंगलादेश प्रिमियर लिगमा प्रतिस्पर्धा गरेका सन्दीप संयुक्त अरब एमिरेट्स (यूएई) विरुद्ध जनवरी २५ देखि सुरु हुने तीन एकदिवसीय अन्तर्राष्ट्रिय (ओडीआई) र ३ टि ट्वान्टी अन्तर्राष्ट्रिय क्रिकेटको खेल्न दुबई जान पर्ने भएकोले बिपिएलबीचैमा छाडेर आउन लागेको नेपाली क्रिकेट टोलीका टेक्निकल एनालिस्ट रमन शिवाकोटीले जानकारी दिएका छन् ।
नेपाली टोली जनवरी २२ मा दुबई जानेछ । सन्दीप सोमबार दिउँसो १ः२५ मा त्रिभुवन अन्तर्राष्ट्रिय विमानस्थल आईपुग्ने छन् । सन्दीप बिग ब्यास र बंगलादेश प्रिमियर लिग खेल्न गत डिसेम्बर ९ अस्टे«लिया गएका थिए ।
बिग ब्यासमा मेलवर्न स्टारबाट ४ खेलमा ८ विकेट लिए । बिग ब्यास छाडेर बंगलादेश प्रिमियर लिग खेल्न गएका उनले सिल्हेट सिक्सर्सबाट ६ खेलमा ४ विकेट मात्र लिन सके ।
