एजेन्सी – अन्तर्राष्टिय क्रिकेट काउन्सिल (आईसीसी) महिला टी-२० क्रिकेट वरियतामा नेपालले दुई स्थान सुधार गर्दै १६ औं स्थानमा उक्लिएको छ ।
नेपालले १३ खेलमा १ सय २३ रेटिङ सहित १६ औं स्थानमा छ। यसअघि नेपाल १ सय १७ रेटिङसहित १८ औं स्थानमा थियो । केहि दिन अघि थाईल्यान्डमा सम्पन्न महिला टी–२० स्मास प्रतियोगितामा सानदार प्रर्दशन गरेपछि नेपालले सुधार गरेको हो । उक्त प्रतियोगितामा थाइल्यान्डसँग ७० रनले पराजित हुँदै नेपाल उप विजेता बनेको थियो ।
नेपालले समूह चरणमा चीन, मलेसिया, युएई र थाइल्यान्ड ए तथा सेमिफाइनलमा इन्डोनेसियालाई पराकिलो अन्तरले पराजित गरेको थियो । जसको फाइदा वरियतामा पुगेको हो । नयाँ वरियता अनुसार अस्टेलिया शीर्षस्थानमा हुँदा इंग्ल्यान्ड दोस्रो,न्युजिलयान्ड तेस्रो,वेस्ट इन्डिज चौथो र भारत पाँचौ स्थानमा रहेका छन् । वरियतामा थाइल्याण्ड १२ औं स्थानमा छ ।
