काठमाडौं (हाम्रो खेलकुद)– नेपाल र संयुक्त अरब एमिरेट्स (यूएई) को क्रिकेट टोलीबीच हुने ३ एक दिवसीय अन्तर्राष्ट्रिय (ओडिआई) र ३ टि ट्वान्टी अन्तर्राष्ट्रिय सिरीजलाई एएनआईबीले प्रयोजन गरेको छ ।
युएई क्रिकेट बोर्डले आफ्नो आधिकारीक ट्विटरमा गरेको पोष्ट अनुसार एएनआईबीसँग सम्झौंता गर्दै सिरीज विजेता टोलीले १० हजार दिर्हाम पाउने छ । आजको अन्तर्राष्ट्रिय मुद्रा मुल्य १ दिर्हामको ३१ रुपैयाँ ४० पैसा छ । जस अनुसार विजेताले नेपाली ३ लाख १४ हजार हुन आउछ । यो सम्झौतापछि सिरिजको नाम एएनआईबी च्यालेन्ज भएको छ ।
एएनआईबी युएई क्रिकेर्ट बोर्डको आधिकारिक बिमा कम्पनी हो । नेपालले २५ जनवरीदेखि २८ जनवरीसम्म वान डे अन्तर्राष्ट्रिय सिरिज खेल्नेछ । त्यस्तै जनवरी ३१ देखि फेब्रुअरी ३ सम्म ३ टि ट्वान्टी आई खेल्दै यूएई भ्रमण सकाउने छ । नेपाली टोली सिरीजको लागि मंगलबार दुबई पुगि सकेको छ
