काठमाडौं/ एसिसि यू–१९ प्रिमियरका लागि मलेसियामा रहेको नेपालले सोमबार प्रतियोगितामा आफ्नो तेस्रो खेल आयोजक मलेसिया विरुद्ध खेल्दै छ । दुई खेलमा एक जित र एक हारका साथमा प्रतियोगिताको तेस्रो स्थानमा रहेको नेपालका लागि मलेसिया विरुद्धको खेल निकै महत्वपुर्ण हुने छ ।

 

प्रतियोगितामा आयोजक मलेसियाले दुई मध्ये दुबै खेलमा जित निकाल्दै अफगानिस्तान समान ४ अंकका साथ तालीकाको दोस्रो स्थानमा रहको छ । यद्धपि अफगानिस्तान नेपालमाथीको प्रभावसाली जितपछि नेट रनरेटमा मलेसिया भन्दा अगाडि रहेकाले शिर्ष स्थानमा रहेको छ ।
मलेसियाले प्रतियोगितामा तुलनात्मक रुपमा कमजोर मानिएका साउदी अरेविया र कुवेतलाई फराकिलो अन्तरले पराजित गरेका कारण उच्च मनोवलका साथमा नेपाल विरुद्ध मैदानमा उत्रंदै छ । यस्तोमा शिर्ष ३ मा रहंदै उपाधि सम्मको यात्रा तय गर्नका लागि पनि मलेसियालाई हराउनु पर्ने चुनौति हुने छ ।
नेपालले आफ्नो पहिलो खेलमा युएइलाई पराजित गरेपनि दोस्रो खेलमा अफगानिस्तानसंग फराकिाले हार ब्योहोर्‍यो । प्रतियोगिताको उपाधि दाबेदार अफगानिस्तानले नेपाललाई १० विकेटले पराजित गरेपछि नेपाल आफुलाई प्रतियोगिताको दाबेदारका रुपमा स्थापित गराउनपनि मलेसियालाई पराजित गर्नु पर्ने अवस्थामा हुने छ । मलेसिया पछि नेपालले प्रतियोगितामा साउदी कुवेत र अरेवियाको सामना गर्ने छ ।
प्रतियोगितालाई युवा विश्वकप छनोटको आधारका रुपमा हेरीएको छ । जारी प्रतियोगिताको शिर्ष ३ स्थानमा रहने टिमले १४ देखि २३ अक्टोबरसम्म मलेसियामानै हुने विश्वकप छनोटमा स्थान बनाउने छन् ।