काठमाडौं (हाम्रो खेलकुद)– तेस्रो संकरणको रुस्लान धनगढी प्रिमियर लिग (डीपीएल) क्रिकेट टि ट्वान्टी प्रतियोगितामा प्रत्येक खेलको पहिलो छक्का क्याच गर्ने दर्शकले १० हजार रुपैयाँ प्राप्त गर्ने भएका छन् ।
क्याच एक–दुई हात दुबैको मान्य हुने आयोजक जनाएको छ । जसको प्रायोजन अजोड इन्सुरेन्स लिमिटेडले गरेको छ । बिहीबार आयोजक धनगढी क्रिकेट एकेडेमी (डिसिए) र अजोडकाबीच सम्झौता भएको छ ।
सम्झौंता अनुसार अजोड इन्सुरेन्स डीपीएलको अफिसियल इन्सुरेन्स पार्टनर समेत बनेको छ । सम्झौतामा डिसिएका अध्यक्ष सुवाश शाही र अजोडका प्रमुख कार्यकारी अधिकृतले कुमारबहादुर खत्रीले हस्ताक्षर गरे ।
सम्झौता अनुसार अजोडले प्रतियोगिताका खेलाडी, दर्शक तथा अफिसियलहरुको पनि बिमा गर्नेछ । डिपिएल आगमी माघ २६ देखी फागुन ११ सम्म धनगढीको फाप्लामा हुँदै छ ।डिपिएलमा धनगढी स्टार्स, महेन्द्रनगर युनाइटेड, सिवाइसी अत्तरिया, विराटनगर किंग्स, रुपेन्देही च्यालेन्जर्स र काठमाडौं गोल्डन्स गरि ६ वटा फ्रेन्चाइजी टोलीले रहेका छन् ।
