default_image

5 years ago

January 25, 2019

नेपालले यूएईसँग हार्नुको प्रमुख तीन कारण

दुबई (हाम्रो खेलकुद) – यूएईविरुद्ध पहिलो एकदिवसीय अन्तर्राष्ट्रिय खेलमा शुक्रबार नेपाल ३ विकेटले पराजित भएको छ । योसँगै तीन ओडीआई खेलको श्रृंखलामा घरेलु टोली यूएईले १– ० को अग्रता लिएको छ । नेपालले कमजोर ब्याटिङ प्रदर्शन गरेपछि यूएईले १ सय १४ रनको सामन्य लक्ष्य ३२.१ ओभरमा ७ विकेट गुमाउँदै पुरा गर्यो । यूएईको जितमा आमिर […]

66 views

0 Bookmark

दुबई (हाम्रो खेलकुद) – यूएईविरुद्ध पहिलो एकदिवसीय अन्तर्राष्ट्रिय खेलमा शुक्रबार नेपाल ३ विकेटले पराजित भएको छ । योसँगै तीन ओडीआई खेलको श्रृंखलामा घरेलु टोली यूएईले १– ० को अग्रता लिएको छ ।

नेपालले कमजोर ब्याटिङ प्रदर्शन गरेपछि यूएईले १ सय १४ रनको सामन्य लक्ष्य ३२.१ ओभरमा ७ विकेट गुमाउँदै पुरा गर्यो । यूएईको जितमा आमिर हायात र इमरान हैदरको आठौं विकेटका लागि नटआउट ४३ रनको साझेदारी महत्वपूर्ण रह्यो । नेपालका लागि सन्दीप लामिछने,पारस खड्का र करण केसीले समान २–२ विकेट लिएपनि झिनो लक्ष्यमा टोलीको जित सम्भव बनेन ।

त्यसअघि आईसीसी ग्लोबल एकेडेमी मैदानमा टस हारेर ब्याटिङको निम्तो पाएको नेपालले ३३.५ ओभरमा अलआउट हुँदै १ सय १३ रनमात्र जोड्न सक्यो । नेपालका लागि सोमपाल कामीले ३० र आरिफ शेखले २५ रन जोड्नुबाहेक अन्य कुनै पनि ब्याट्सम्यानले उल्लेख्य योगदान दिन सकेनन् । यूएईका कप्तान मोहमद नविद र अमिर हायतले समान तीन विकेट लिंदा इमरान हैदरले २ विकेट हात पारे ।

यी प्रमुख तीन कारण जसले गर्दा नेपालले यूएईसँगको पहिलो ओडीआई हार्नु पर्यो :

खराब सट छनोट  र गैरजिम्मेवारीपूर्ण ब्याटिङ

टस हारेपछि पहिलो ब्याटिङमा उत्रिएको नेपालले गुमाएका अधिकांश विकेट गलत सटको नतिजा  थियो । विनोद भण्डारी र ज्ञानेन्द्र मल्ललाई ओपनरको रुपमा उतारेको नेपालले कम्तिमा २ सय रन पार गर्ने अनुमान गरिएको थियो । तर नेपालले दुवै ओपनर सस्तैमा मोहमद नविदको बलमा कट बिहाइन्ड भए । तेस्रो विकेटका रुपमा कप्तान पारस खड्का पनि खराब सटको कारण पेभेलियन फर्किए ।

लगत्तै १३ औं ओभरको चौथो बलमा सोमपाल कामीसँग रन लिने क्रममा समन्वय नहुँदा दिपेन्द्रसिंह ऐरी रन आउटका रुपमा खाता नखोली पेभिलिएन फर्किनु पर्यो । नेपालले १३ ओभर भित्र मात्र ४७ रन जोड्दा प्रमुख चार विकेट गुमायो । चौथो नम्बरमा ब्याटिङ गर्न आएका सोमपाल पनि दवावमा आउँदा २१ औं ओभरमा एलबीडब्लु धरापमा परे ।

शीर्ष क्रमका ब्याट्सम्यान लगातार पेभिलिएन फर्किदा तल्लो क्रमका ब्याटिङमा ठूलो असर पर्यो । पवन सरार्फ ४,करण केसी ३ र आरिफ शेख २५ रनमा आउट भए । जसको कारण नेपाल सस्तैमा समेटिदा पहिलो ओडीआईमा हार्नु पर्यो । आजको हारको प्रमुख कारक शिर्ष ब्याट्सम्यान हुन् ।

सिमित ब्याट्सम्यान, अत्याधिक बलर

नेपाली क्रिकेटको मुख्य समस्या परम्परा देखीनै ब्याटिङ हो । तर त्यहि कमजोर ब्याटिङमा आज सिमित खेलाडी थिए । ज्ञानेन्द्रसहित विनोद, पारस, दिपेन्द्र, आरिफ प्रमुख ब्याट्सम्यानको आधारमा मैदान उत्रिएको थियो । तर कुनै पनि ब्याट्सम्यानले सम्हालिएर ब्याटिङ गर्न सकेनन् । रोहित कुमार पौडेल र भिम सार्की जस्ता आशालाग्दा प्रतिभा बेन्चमा बस्नुपर्यो ।

भिम र रोहित मध्य एकलाई नखेलाउनु र पेस बलरलाई सहयोग पुग्ने पिचमा तीन प्रमुख स्पिनर बलर खेलाउनु नेपालको हारको अर्को कारण मान्न सकिन्छ । तीन मुख्य स्पिनरमा सन्दीपले २ विकेट लिँदा वसन्तले १ ओभर मात्र बलिङ गर्ने मौका पाए । डेब्यू गरेका ललितले बलिङ गर्नै मौका पनि पाएनन् । अर्का स्पिन विकल्प रहेका पवन पनि बलिङमा उत्रिएनन् ।

दुई स्पिनरका साथ एक ब्याट्सम्यानलाई मौका दिएको भए नेपालले अझ राम्रो प्रदर्शन हुने आँकलन गर्न सकिन्छ । तीव्र गतिका प्रमुख बलर सोमपाल कामी र करण केसीलाई छोडेर बलिङमा पारस, दिपेन्द्र, पवन र आरिफ पनि थिए । आज ललित र वसन्त दुवैको स्थानमा रोहित वा भिममध्य एकलाई मैदान उतारेको भए नतिजा फरक पनि आउन सक्ने थियो ।

साझेदारी तोड्न नसक्नु

सामान्य १ सय १४ रनको लक्ष्यमा पनि नेपाल कुनै समय आश्चर्य जितको संभावना नजिक पुगेको थियो । कप्तान पारस खड्का र सन्दीप लामिछानेले कसिलो बलिङ गर्दै यूएईको मध्यक्रमलाई ध्वस्त बनाएपछि नेपालले झिनो लक्ष्यमा पनि जित हासिल गर्ने सम्भावना बढेको थियो । तर यूएईको तल्लोक्रममा आमिर हायात र इमरान हैदरको साझेदारी तोड्न नसक्नु हारको अर्को कारण बन्यो ।

कुनै समय यूएई २० ओभरमा ७३–७ को स्थितीमा पुगेको थियो । जसमा आश्चर्यजनक जितको आसा गरिएको थियो । तर आठौं  विकेटका लागि आमिर हायात र इमरान हैदरले नटआउट ४३ रनको साझेदारी गरेपछि नेपालको झिनो जितको आसा मरेको थियो । जुन साझेदारी नेपाली बलरले तोड्न सकेको भए झिनो रनले विजयी हुन सक्ने संभावना थियो ।

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

Success

Thank you for your time.