सुबास हुमागाईं, दुबई
नेपालले यूएईविरुद्ध एकदिवसीय अन्तर्राष्ट्रिय (ओडीआई) सिरिजको दोस्रो खेलमा टस जितेर ब्याटिङ रोजेको छ । पहिलो खेलमा ३ विकेटले पराजित नेपालले टोलीमा एक परिवर्तन पनि गरेको छ ।
स्पिनर वसन्त रेग्मीको स्थानमा युवा ब्याट्सम्यान रोहितकुमार पौडेल टोलीमा आएका छन् । अघिल्लो खेलमा १ ओभर मात्र बलिङ पाएका वसन्त पूर्ण रुपमा फिट रहेका थिएनन् । उनको स्थानमा मध्यक्रमका ब्याट्सम्यान रोहित टोलीमा अटाएका छन् ।
नेपाल सिरिजमा १-० ले पछाडी छ । आजको खेलमा पराजित भए नेपालले एक खेलअगावै सिरिज गुमाउने छ ।
दोस्रो ओडीआईका लागि नेपाली टोली :
ज्ञानेन्द्र मल्ल, विनोद भण्डारी, पारस खड्का (कप्तान), सोमपाल कामी, दिपेन्द्रसिंह ऐरी, आरिफ शेख, रोहितकुमार पौडेल, पवन सर्राफ, कारण केसी, सन्दिप लामिछाने, ललितनारायण राजवंशी
