इन्डियन प्रिमिएर लिग अन्तर्गत आइतबार खेलिएको पहिलो खेलमा किंग्स इलेभेन पन्जाबले महेन्द्र सिंह धोनीको कप्तानीमा रहेको राईजिंग पुने सुपरजाएन्ट्सलाई छ विकेटले हराएको छ|

पहिलो ब्याटिंग गर्दै सात विकेट गुमाएर १५२ रन बनाएको पुनेले पन्जाबको ब्याटिंगलाई रोक्न सकेन र १८.४ ओभरमै जित हात पार्यो| लक्ष्य प्राप्त गर्ने क्रममा पन्जाबका लागि म्यान अफ द म्याच मनन बोहराले आक्रामक परि खेलेका थिए| ओपनर मननले ३३ बलमा सात चौकको मद्दतले ५१ रन बनाएका थिए| उनीसंगै ओपनिंग गरेका मुरली विजयले ४९ बलमा ५३ रन बनाए| ग्लेन म्याक्स्वेलले १४ बलमा अविजित ३२ रन बनाऊँदै टोलीलाई जिततर्फ डोर्याएक थिए| पुनेका लागि मुरुगन आश्विनले तिन विकेट लिए भने अर्को एक विकेट अंकित शर्माको नाममा रह्यो|

पहिलो ब्याटिङ्ग गरेको पुनेले ओपनर रहानेलाई सस्तैमा गुमाएपनि अर्का ओपनर फाफ डु प्लेसिसको ६७ रन्को पारीले सम्हालिएको थियो| अष्ट्रेलियाली स्टिभ स्मिथले ३८ र केभिन पिटर्सनले १५ रन बनाउन बाहेक अन्य खेलाडीले दोहोरो अंक छुन सकेनन्| पुनको परीलाई धराशायी बनाउन पन्जाबका मोहित शर्माले चार ओभरमा २३ रनमात्र खर्चेर ३ विकेट लिएका थिए| सन्दिप शर्माले २ र काइल अबोटले १ विकेट हात पारे|

जितसंगै पन्जाबले जारी सिजनमा अंकको खाता खोलेको छ भने पुनेले लगातार दोश्रो हार व्यहोरेको छ|