सुबास हुमागाईं, दुबई
युवा ब्याट्सम्यान दिपेन्द्रसिंह ऐरीले यूएईविरुद्ध दोस्रो ट्वान्टी-२० खेलमा शानदार ब्याटिङ प्रदर्शन गर्दै नेपाललाई ४ विकेटको जित दिलाए । दिपेन्द्रको उत्कृष्ट ब्याटिङसँगै नेपालले ३ खेलको सिरिज १-१ को बराबरीमा ल्याएको छ ।
खेलको सातौं ओभरमा तेस्रो विकेटका रुपमा ज्ञानेन्द्र मल्ल आउट भएपछि क्रिजमा आएका दीपेन्द्रले विजयी सट प्रहार गर्दै टोलीलाई जित दिलाए । उनले ४१ बलमा ४७ रन जोडे । यसक्रममा उनले ४ चौका र १ छक्का प्रहार गरे ।
यूएईविरुद्ध जारी सिरिजमा खराब लयबाट गुज्रिरहेका दिपेन्द्रले रन जोड्न केहि दबाब रहेकाले राम्रो प्रदर्शन गर्न पाउँदा खुसी लागेको बताए । ओडीआई सिरिजको पहिलो खेलमा शून्यमा रनआउट भएका दिपेन्द्रले दोस्रो खेलमा १० रनमात्र जोडे । तेस्रो ओडीआईमा ६ रनमा आउट भएका दिपेन्द्र पहिलो टि-२० मा पनि ४ रनमात्र जोड्न सकेका थिए ।
‘सुरुवाती खेलहरुमा रन निस्केको थिएन । रन जोड्न नसक्दा केहि दबाब थियो । आजको खेलमा रन जोड्न सक्दा निकै खुसी लागेको छ । टोलीलाई जित दिलाउने इनिङस् खेल्न सकें,’ उनले भने ।
खेलपछि बोल्दै दिपेन्द्रसिंह ऐरी :
