काठमाडौं (हाम्रो खेलकुद)– पाकिस्तानलाई टि ट्वान्टी सिरिजमा ४–० ले हराएको नेपाली नेत्रहिन महिला टोली बिहीबार स्वदेश फर्केको छ । ५ मध्ये ४ खेल जितेको नेपाली टोलीलाई राष्ट्रिय खेलकुद परिषद् (राखेप) का सदस्य सचिव केशवकुमार विष्ट, कोषाध्यक्ष शैलेश कर्माचार्यलगायतले स्वागत गरेका थिए ।
माघ १२ गते पाकिस्तान पुगेको नेपाली टोली र पाकिस्तानबीचको पाँच टि ट्वान्टीमध्ये दोस्रो खेल वर्षाका कारण रद्द भएको थियो । बाँकी खेलमा नेपाली टोलीले प्रभावशाली जित हासिल गरेको थियो । नेपाले पहिलो, तेस्रोे र पाँचौं खेल समान १० विकेटले तथा चौथो खेल ९ विकेटले जितेको थियो ।
संयुक्त अरब इमिरेट्स (युएई) विरुद्धको एक दिवसिय र टि ट्वान्टी सिरिज जितेर सोमबार स्वदेश फर्केको नेपाली पुरुष क्रिकेट टोलीलाई उल्लेख समर्थक, युवा तथा खेलकुद मन्त्री, राखेप उपाध्यक्ष, सदस्य सचिवलगायतको उपस्थित थियो । बिहीबार नेत्रहिन टोली फर्कदा त्यस्तो दृश्य देखिएन ।
