5 years ago
February 16, 2019
एजेन्सी – मध्यक्रमका ब्याट्सम्यान कुसल परेराले अविश्वसनीय ब्याटिङ प्रदर्शन गर्दै नटआउट १ सय ५३ रन जोडेपछि दक्षिण अफ्रीकाविरुद्ध पहिलो टेस्टमा श्रीलंकाले १ विकेटको जित दर्ता गरेको छ ।
अन्तिम विकेटका लागि परेराले विश्व फर्नान्डोसँग नटआउट ७८ रनको साझेदारी गर्दै टोलीलाई जितसम्म पुर्याए । अन्तिम दिनको खेलमा ३ सय४ रनको लक्ष्य पछ्याइरहेको श्रीलंका एक समय २२६-९ को स्थितिमा पुगेको थियो । पाँचौ नम्बरमा ब्याटिङ गर्न आएका परेराले उत्कृष्ट प्रदर्शन गर्दै श्रीलंकालाई जित दिलाए ।
परेराले २ सय बलको सामना गर्दै १ सय ५३ रन जोडे । उनले १२ चौका र ५ छक्का प्रहार गरेका थिए । उनलाई २७ बलमा ६ रन जोडेर फर्नान्डोले राम्रो साथ दिए । त्यसअघि ११०-५ को स्थितिमा रहेको श्रीलंकालाई धनन्जय सिल्भा र परेराले छैटौं विकेटका लागि ९६ रनको साझेदारी गर्दै उकासेका थिए । सिल्भाले ७९ बलमा ६ चौकासहित ४८ रन जोडे । दक्षिण अफ्रिकाका लागि केशव महाराजले ३ विकेट लिए ।
डुएन ओलिभिएर र डेल स्टेनले २-२ तथा भर्नन फिलान्डर र कागीसो राबाडाले १-१ विकेट हात पारे । पहिलो इनिङस्मा १ सय ९१ रनमा अलआउट भएको श्रीलंकाले जितको लागि ८५.३ ओभर ब्याटिङ गर्यो । दक्षिण अफ्रिकाले पहिलो इनिङसमा २ सय ३५ र दोस्रोमा २ सय ५९ रन जोडेको थियो ।
यस जितसँगै श्रीलंकाले २ खेलको टेस्ट सिरिजमा १-० को अग्रता लिएको छ । दोस्रो टेस्ट फेब्रुअरी २१ देखि सुरु हुनेछ ।
July 27, 2024
एजेन्सी – स्कटल्यान्डले विश्वकप लिग टु सिरिज अन्तर्गतको खेलमा नामिबियामाथि सहज जित हात पारेको छ । आइसीसी क्रिकेट विश्वकप लिग टु सिरिज अन्तर्गत स्कटल्यान्डमा जारी ओमान, नामिबिया र घरेलु टोलीबीचको त्रिकोणात्मक सिरिजको छैटौं खेलमा स्कटल्यान्डले १ सय ३८ रनको फराकिलो जित हात पारेको हो । स्कटल्यान्डले दिएको ३ सय २ रनको लक्ष्य पछ्याएको नामिबिया ४०.१ […]
July 27, 2024
एजेन्सी – वेस्ट इन्डिज र इंग्ल्याण्डबीचको तेस्रो तथा अन्तिम टेस्टको पहिलो दिन शुक्रबार १३ विकेट खसेको छ । पहिलो दिन टस जितेर ब्याटिङ गरेको वेस्ट इण्डिज अलआउट हुँदै २ सय ८२ रन मात्र जोड्न सक्यो । वेस्ट इण्डिजका लागि ओपनर तथा कप्तान क्रेग ब्रेथवेटले ८६ बलमा सर्वाधिक ६१ रन बनाउँदा ८ चौका प्रहार गरे । […]
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]