धनगढी (हाम्रो खेलकुद) – तेस्रो संस्करणको धनगढी प्रिमियर लिग (डिपिएल) मा आईतबार दुई खेल हुँदैछन् । पहिलो खेलमा महेन्द्रनगर युनाइटेड र सिवाईसी अत्तरियाबीच फाप्ला क्रिकेट मैदानमा ९ बजेपछि खेल सुरु हुने छ ।

शरद भेषवाकर कप्तान रहेको महेन्द्रनगरको अघिल्लो चरण निकै कठिन अवस्थामा छ । आजको खेलमा फराकिलो अन्तरले जित निकाल्न सके र अन्य टोलीको नजिता आफु अनुकुल आउन सकेमात्र महेन्द्रनगरको प्ले अफको झिनो अंकगणीतिय सम्भावना देखिन्छ । सूरुवती चार खेलमा महेन्द्रनगर जितविहिन छ ।

महेन्द्रनगर आजको खेलमा पराजित भए अत्तरियासँगै रुपन्देही च्यालेन्जर्स र विराटनगर किंग्स पनि सोझै प्लेअफ पुग्ने छन् । महेन्द्रनगरको चार खेलमा दुई अंक मात्र छ । आजको खेल हारे २ नै हुने छ । धनगढी बाहिरी सक्दा काठमाडौं प्ले अफमा पुगिसकेको छ । रुपन्देही, विराटनगर र अत्तरियाको समान चार चार अंक रहँको अवस्थामा महेन्द्रनगर पराजित हुँदा यी तीनै टोली सोझै प्ले अफमा पुग्ने छन् ।

रुपन्देहीसँग २ र काठमाडौंसँग ७ रनले पराजित भएको महेन्द्रनगर वर्षाको कारण विराटनगर र धनगढीसँग अंक बाड्ंन बाध्य बन्यो । जारी प्रतियोगितामा महेन्द्रनगरबाट सागर ढकाल,मोहम्मद नाविद, अभिनास बोहोरा र अमरसिंह राउटेलाको प्रर्दशन उत्कृष्ट रहँदा अन्यको सन्तोषजनक छैन । कागजी रुपमा सबैभन्दा बलियो टिम महेन्द्रनगरले मैदानमा भने कमजोर प्रर्दशन गरेको छ ।

यता युवा खेलाडीले भरिएको दिपेन्द्रसिंह ऐरी कप्तान रहेको अत्तरिया प्लेअफ नजिक छ । बाँकी तीन खेल मध्य १ खेल जितेमात्र प्ले अफमा स्थान बनाउने छ । पहिलो खेलमा धनगढीलाई ५ रनले हराएको अत्तरियाले रुपन्देहीलाई ३९ रनले पराजित गरेको थियो । आजको खेलमा विजयी भए अत्तरिया दुई खेल अगावै शीर्षस्थानमा रहेर प्ले अफमा पुग्ने छ । कागजी रुपमा केहि कमजोर देखेपनि मैदानमा भने अत्तरियाले अन्य टोलीको तुलनामा मैदानमा बलियो प्रर्दशन गरेको छ । अत्तरियाका कप्तान दिपेन्द्रसहित, सन्नी पटेल, भुवन कार्की, दिपेन्द्र रावतको प्रर्दशन जारी प्रतियोगितामा उत्कृष्ट छ ।

त्यस्तै आजको दोस्रो खेलमा काठमाडौं गोल्डेन्स र रुपन्देही च्यालेन्जर्स भिड्ने छन् । काठमाडौं दुई खेल अगावै प्ले अ‍ेफमा पुगि सकेको छ । काठमाडौं शिर्ष दुईमा रहेर प्लेअफ खेल्नको लागि आजको खेल जित्ने पर्ने दवाव हुने छ । काठमाडौंले पहिलो खेलमा धनगढीलाई ४ विकेटले हराउँदा महेन्द्रनगरलाई ७ रनले पराजित गरेको थियो । तेस्रो खेलमा भने वर्षा बाधक बन्दा विराटनगरसँग अंक बाड्यो । काठमाडौंबाट जारी डिपिएलमा नन्दन यादव, अंकित दवास, राशिद खान, योगेन्द्रसिंह कार्कीले राम्रो प्रर्दशन गरि रहेका छन् ।

यता बलियो रुपन्देही आजको खेलमा जित निकाले एक खेल अगावैं प्ले अफमा स्थान बनाउने छ । वसन्त रेग्मी कप्तान रहेको रुपन्देहीले पहिलो खेलमा महेन्द्रनगरमाथि २ रनको रोमान्चक जित हात पारेको थियो । दोस्रो खेलमा विराटनगरलाई ५ विकेटले हराउँदा अत्तरियासँग ३९ रनले पराजित हुन पुग्यो । बिक्रम शोव, कृष्ण कार्की, भीम सार्की, पुनित मेहरा, वसन्त रेग्मी, सुमित महर्जनको प्रर्दशन जारी डिपिएलमा राम्रो रहेको छ ।