एजेन्सी (हाम्रो खेलकुद) – वेस्ट इन्डिजका अलराउन्डर क्रिस गेलले आगामी मे ३० देखी १४ जुलाई मा इंग्ल्यान्डमा हुने एकदिवसिय विश्वकपपछि वान डे क्रिकेटबाटसन्न्यास लिने घोषणा गरेका छन् ।
वेस्ट इन्डिज क्रिकेट बोर्डले ट्विट गर्दै गेलले विश्वकप पछि सन्न्यास लिने सार्वजनिक गरेको हो । विष्फोटक ब्याट्सम्यानको परिचय बनाएका गेलले सन् १९९९ मा भारत विरुद्ध खेल्दै वान डे क्रिकेटमा डेब्यू गरेका थिए । ३९ वर्षिय गेलले हाल सम्म २ सय ८४ वान डे खेल खेलेका छन् ।
गेल वान डे क्रिकेटमा १० हजार रन नजिक पुगेका छन् । गेलले थप २ सय ७३ रन बनाउन सके १० हजार रन पुरा गर्ने छन् । वान डे क्रिकेटमा ३७.१२ को औसतमा कुल ९ हजार ७ सय २७ रन बनाएका छन् । जसमा २३ शतक र ४९ अर्धशतक शामेल छ । उनको सर्वाधिक स्कोर २ सय १५ रन छ ।
पार्ट टाइम बलर समेत रहेका गेल्ले वान डे क्रिकेटमा १ सय ६५ विकेट लिएका छन् । उनको सर्वोत्कृष्ट प्रदर्शन ५-४६ रहेको छ । पछिल्लो समय खराब प्रर्दशनका कारण आलोचना खेपिरहेका गेल टी-२० मा भने निरन्तर खेलिरहने छन् ।
