5 years ago
February 20, 2019
धनगढी (हाम्रो खेलकुद)– तेस्रो संस्करणको रुस्लान धनगढी प्रिमियर लिग (डिपिएल) को पहिलो क्वालिफायर खेलमा आज काठमाडौं गोल्डेन्स र सिवाईसी अत्तरिया भिड्दै छन् ।
प्रस्तावित अन्तर्राष्ट्रिय फाप्ला क्रिकेट मैदानमा दिउँसो १२ : ३० बजेपछि सुरु हुने खेलमा विजेता टोली सोझैं फाइनल प्रवेश गर्ने छ । पराजित हुने टोलीले विहिवार हुने एलिमिनेटर खेलमा रुपन्देही च्यालेन्जर्स र महेन्द्रनगर युनाइटेडबीचको विजेतासँग शुक्रवार क्वालिफायर खेल्ने मौका पाउने छ ।
काठमाडौं ५ खेलमा ३ जितका र १ मा हारका साथ ७ अंक जोड्दै अंक तालिकामा दोस्रो स्थानमा रहेर क्वालिफायरमा खेल्न लागेको हो । यता युवा खेलाडीले भरिएको अत्तरियाले ५ खेलमा ४ मा जित र १ मा हारका साथ शीर्षस्थानमा रहँदै क्वालिफायर खेल्न लागेको हो । समुह चरणको खेलमा काठमाडौं गोल्डेन्सलाई ७ विकेटले पराजित गर्दा अत्तरिया शिर्ष स्थानमा रहन सफल भयो ।
अत्तरिया समुह चरणको नतिजालाई निरन्तरता दिदै सोझैं फाइनल पुग्ने सोचका साथ मैदान प्रवेश गर्ने छ । समुह चरणको नतिजाले युवा खेलाडीले भरिएको अत्तरियाको मनोबल पनि बलियो देखिन्छ । जारी डिपिएलमा अत्तरियाबाट भारतीय खेलाडी सन्नी पटेल,जयकिशन कोल्सावाला, कप्तान दिपेन्द्रसिंह ऐरी, दिपेन्द्र राउत र भुवन कार्कीले उत्कृष्ट प्रर्दशन गर्दै आएका छन् ।
यता अन्तिम खेलमा अत्तरियासँग पराजित हुन पुगेको काठमाडौं समुह चरणको प्रर्दशनलाई सुधार गर्दै आजको खेलमा फरक रणनितिका साथ मैदान प्रवेश गर्ने छ । अत्तरियासँग खराव ब्याटिङ गरेको काठमाडौंले आजको खेलमा सुधार गर्ने अनुमान पनि गरिएको छ । काठमाडौं पनि सोझैं फाइनलमा प्रवेश गर्ने अवसर गुमाउन चाहादैँन । काठमाडौंबाट नन्दन यादव,राशिद खान,ललित नारायण राजवंशी,अंकित दवास,योगेन्द्रसिंह कार्कीको प्रर्दशन उत्कृष्ट रहेको छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]