default_image

5 years ago

February 20, 2019

काठमाडौंमाथि सहज जित निकाल्दै अत्तरिया फाइनलमा

धनगढी(हाम्रो खेलकुद) – सिवाईसी अत्तरिया तेस्रो संस्करणको रुस्लान धनगढी प्रिमियर लिग (डिपिएल) को फाइनलमा प्रवेश गरेको छ । आज भएको क्वालिफायर खेलमा काठमाडौं गोल्डेन्सलाई ४१ रनले पराजित गर्दै अत्तरिया फाइनलमा प्रवेश गरेको हो । बिहीबार महेन्द्रनगर युनाइटेड र रुपन्देही च्यालेन्जर्सबीच एलिमिनेटर खेल हुने छ । शुक्रबार एलिमिनेटरको विजेता र काठमाडौंबीच दोस्रो क्वालिफायर हुने छ । […]

25 views

0 Bookmark

धनगढी(हाम्रो खेलकुद) – सिवाईसी अत्तरिया तेस्रो संस्करणको रुस्लान धनगढी प्रिमियर लिग (डिपिएल) को फाइनलमा प्रवेश गरेको छ । आज भएको क्वालिफायर खेलमा काठमाडौं गोल्डेन्सलाई ४१ रनले पराजित गर्दै अत्तरिया फाइनलमा प्रवेश गरेको हो ।

बिहीबार महेन्द्रनगर युनाइटेड र रुपन्देही च्यालेन्जर्सबीच एलिमिनेटर खेल हुने छ । शुक्रबार एलिमिनेटरको विजेता र काठमाडौंबीच दोस्रो क्वालिफायर हुने छ । जसको विजेता उपाधिको लागि फागुन ११ मा अत्तरियासँग प्रतिसप्रर्धा गर्ने छ ।

१ सय ११ रनको लक्ष्य पछ्याउने क्रममा काठमाडौं १८.३ ओभरमा सबै विकेट गुमाएर ६९ रनमा समेटियो । काठमाडौंका कुनै पनि ब्याट्सम्यानले तारिफ योग्य प्रर्दशन गर्न सकेनन् । पहिलो विकेटको रुपमा काठमाडौंले तेस्रो ओभरको तेस्रो बलमा अनिल कुमार शाहलाई शुन्यमा गुमाएको थियो।

चौथो ओभरको पहिलो बलमा महबुब आलम १ रनमा क्याच आउट भए । त्यस्तै पाँचौ ओभरको दोस्रो बलमा ज्ञानेन्द्र मल्ल ११ रनमा क्याच आउट परेपछि काठमाडौं दबाबमा परेको थियो । भुवन कार्कीले जयकिशन कोल्सावालाबाट क्याच गराउनु अघि ज्ञानेन्द्र ले ४ बलमा समान १ चौका र छक्का प्रहार गरे ।

ज्ञानेन्द्र आउट भएसँगै काठमाडौं १३/३ को कमजोर अवस्थामा पुगेको थियो । चौथो विकेटका लागि भारतीय खेलाडी अंकित दवास र गौरभ तोमरले २६ रनको साझेदारी गर्दै काठमाडौंको इनिंग उकास्न खोजेका थिए ।

तर नवौं ओभरको पाँचौ बलमा दवास ६ रनमा रन आउट हुँदा र १४ औं ओभरको चौथो बलमा गौरभ तोमर २६ रनमा क्याच आउट भएपछि काठमाडौंको जित टाढा बनेको थियो । सन्दीप जोराको हातबाट क्याच हुनु अघि तोमरले २७ बलमा २ चौका र १ छक्का प्रहार गरे ।

त्यस्तै योगेन्द्रसिंह कार्कीले ११,राशिद खान ४,विक्रम भुषाल ५ रनमा आउट भए । अत्तरियाका लागि सन्नी पटेलले ४ ओभरमा १ मेडन सहित १८ रन खर्चेर ३ विकेट लिए । त्यस्तै कमलसिंह ऐरी र भुवन कार्कीले समान २ विकेट लिदा दिपेन्द्रसिंह ऐरीले १ विकेट लिए ।

त्यस अघि प्रस्तावित अन्तर्राष्ट्रिय फाप्ला क्रिकेट मैदानमा टस जितेर पहिला ब्याटिङ थालेको अत्तरियाले निर्धारित २० ओभरमा ८ विकेटको क्षतिमा १ सय १० रन बनाएको थियो । सन्नी पटेलले आक्रमक रुपमा ब्याटिङ गर्दै २४ बलमा १ चौका र २ छक्का प्रहार गर्दै २८ रनमा आउट भए ।

कप्तान दिपेन्द्रले १४ ओभरको दोस्रो बलमा क्याच आउट हुनु अघि ३४ बलमा ५ चौका प्रहार गर्दै ३३ रन बनाए । सुर्य तामाङले विकेटकीपर अनिल कुमार शाहबाट दिपेन्द्रलाई क्याच आउट गराएका थिए ।

पहिलो विकेटको रुपमा अत्तरियाले छैटौं ओभरको तेस्रो बलमा जय किशन कोल्सावालालाई अंकित दवासले नन्दन यादवबाट १३ रनमा क्याच गराए । लगतै अर्को बलमा रित गौतमलाई दवासले बोल्ड गरे ।

१४ औं ओभरको दोस्रो बलमा दिपेन्द्र क्याच आउट हुँदा चार बलपछि सुवेन्द्र पाण्डे पनि १६ रनमा विकेटकीपर शाहबाट क्याच हुन पुगे । जितेन्द्रसिंह ठकुरी ६ रनमा आउट हुन पुगे । काठमाडौंका अंकित दवासले ४ ओभरमा ११ रन खर्चेर २ विकेट लिए ।

त्यस्तै सुर्य तामाङले ३ ओभरमा १४ रन खर्चेर २ विकेट हात पारे । त्यस्तै राशिद खान र योगेन्द्रसिंह कार्कीले समान एक एक विकेट आफ्नो नाममा लेखाए ।

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

April 15, 2024

हङकङलाई हराउँदै नेपाल प्रिमियर कपको सेमिफाइनलमा

मस्कट (हाम्रो खेलकुद) – नेपाली राष्ट्रिय क्रिकेट टोलीले एसीसी प्रिमियर कप अन्तर्गत समूह ए को तेस्रो खेलमा हङकङलाई पराजित गर्दै सेमिफाइनलमा स्थान पक्का गरेको छ । अल अमेरत मैदानमा जितका लागि १ सय १५ रनको सामान्य लक्ष्य पछ्याएको नेपालले २ विकेट गुमाउँदै १३ औं ओभरमा लक्ष्य पूरा गर्यो । सुरुवाती जोडीले आक्रामक सुरुवात दिलाएपछि नेपालले […]

April 15, 2024

नेपाललाई हङकङको सामान्य लक्ष्य

मस्कट (हाम्रो खेलकुद) – नेपाली राष्ट्रिय क्रिकेट टोलीले एसीसी प्रिमियर कप अन्तर्गत समूह ए को तेस्रो खेलमा हङकङविरुद्ध जितका लागि १ सय १५ रनको सामान्य लक्ष्य पाएको छ । अल अमेरत मैदानमा टस जितेर हङकङलाई ब्याटिङको निम्तो दिएको नेपालले उत्कृष्ट बलिङ र फिल्डीङ प्रदर्शन गर्यो । वर्षाका कारण केही ढिलो सुरु भएको खेल १८ ओभरमा […]

Success

Thank you for your time.