default_image

5 years ago

February 21, 2019

थाइल्यान्डसँग नेपालको फराकिलो हार

एजेन्सी – आईसीसी विश्वकप छनोटको एसिया क्षेत्र प्रतियोगितामा दोस्रो खेलमा नेपाली महिला क्रिकेट टोली थाईल्यान्डसँग ५७ रनले पराजित भएको छ । १ सय २६ रनको लक्ष्य पक्ष्याउने क्रममा नेपालले २० ओभरमा ८ विकेट गुमाएर मात्र ६७ रन बनाउन सक्यो । नेपालका लागि इन्दु बर्माले ४४ बलमा १ चौका प्रहार गर्दै सर्वाधिक २९ रन बनाइन् । […]

33 views

0 Bookmark

एजेन्सी – आईसीसी विश्वकप छनोटको एसिया क्षेत्र प्रतियोगितामा दोस्रो खेलमा नेपाली महिला क्रिकेट टोली थाईल्यान्डसँग ५७ रनले पराजित भएको छ । १ सय २६ रनको लक्ष्य पक्ष्याउने क्रममा नेपालले २० ओभरमा ८ विकेट गुमाएर मात्र ६७ रन बनाउन सक्यो ।

नेपालका लागि इन्दु बर्माले ४४ बलमा १ चौका प्रहार गर्दै सर्वाधिक २९ रन बनाइन् । नेपालले ओपनर काजल श्रेष्ठलाई पहिलो ओभरको अन्तिम बलमा ब्यक्तिगत १ रनमा गुमाएको थियो । दोस्रो ओभरको तेस्रो बलमा नाट्या बुचाथमले रोमा थापालाई १ रनमा एलपी डब्लू आउट गरिन् ।

पाँचौ ओभरको दोस्रो बलमा कप्तान रुविना क्षेत्री ३ रनमा रन आउट हुन पुगेपछि नेपाल ८-३ को कमजोर अवस्थामा पुगेको थियो । चौथो विकेटका लागि इन्दु बर्मा र सिता राना मगरले १५.४ ओभर सम्म ५४-४ को अवस्थामा पुर्याएपछि नेपालको हार पक्का बनेको थियो ।

सिता र बर्माले चौथो विकेटका लागि ११ ओभरमा मात्र ४६ रनको साझेदारी गर्न सके । विकेट बचाएर खेल्न खोज्दा नेपालले फराकिलो हार ब्यहोर्नु पर्यो । सिताा राना मगरले ३४ बलमा १ चौका प्रहार गर्दै १८ रनमा क्याच आउट भईन् ।

नेरी थापा २,सरिता मगर १ करुणा भण्डारलिे ३ रन बनाए । थाईल्यान्डका लागि सोरनार टिप्पोचले ४ ओभरमा १२ रन खर्चेर २ विकेट लिइन् । नाट्या बुचाथम,सुलेपोर्न लाओमी,चानिदा सुथिरुंगले समान एक एक विकेट लिए ।

त्यस अघि एसियन इन्स्टिच्युट अफ टेक्नोलोजी मैदानमा टस जितेर ब्याटिङ थालेको घरेलु टोली थाइल्यान्डले निर्धारित २० ओभरमा ७ विकेट गुमाउँदै १ सय २४ रन बनायो । थाईल्यान्डका लागि मिडिल अडरकी चानिदा सुथिरुंगले सर्वाधिक ३५ रन बनाइन् । उनले २९ बलमा ३ चौका प्रहार गर्दै क्याच आउट हुन पुगिन् ।

थाईल्यान्डलाई ओपनर नरुमोल चवाई र नट्टकन चनतमले ६.२ ओभरमा ३७ रनको साझेदारी गर्दै राम्रो सुरुवात दिलाए । सातौं ओभरको पहिलो दोस्रो बलमा करुणा भण्डारीले नरुमोल चवाईलाई ३२ रनमा बोल्ड गर्दै नेपाललाई पहिलो सफलता दिलाइन् ।

चवाईले २७ बलमा ३ चौका प्रहार गरिन् । लगतै आठौं ओभरको दोस्रो बलमा नेरी थापाले विकेटकीपर काजल श्रेष्ठबाट अर्की ओपनर चनतमलाई ५ रनमा क्याच आउट गराउँदै पेभिलिएन फर्काइन् ।

१२ ओभरको अन्तिम बलमा नाट्या बुचाथमलाई थापालेनै १२ रनमा क्याच आउट गराइन् । सोरनार टिप्पोच २ रनमा आउट हुदा वोन्गपका लियन्गप्रेशर्ट २८ रनमा अविजित रहिन् ।

नेपालका लागि नेरी थापाले ४ ओभरमा १५ रन खर्चेर २ विकेट लिइन् । त्यस्तै कविता कुवँरले ४ ओभरमा २८ रन खचेर २ विकेट लिदा करुणा भण्डारी र कप्तान रुविना क्षेत्री वेलवसेले समान १ विकेट हात पारे ।

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.