default_image

5 years ago

February 22, 2019

नेपालको उत्कृष्ट बलिङसँगै यूएई ४१ रनमा अलआउट

काठमाडौं (हाम्रो खेलकुद) – नेपाली बलरहरुले उत्कृष्ट प्रदर्शन गरेपछि आईसीसी महिला विश्वकप छनोट एसिया क्षेत्रअन्तर्गत तेस्रो खेलमा नेपालले यूएईलाई ४१ रनमा अलआउट गरेको छ । नेपालले जितको लागि ४२ रनको लक्ष्य प्राप्त गरेको छ । टस जितेर ब्याटिङ रोजेको यूएईले १७.३ ओभरमा सबै विकेट गुमाउँदै मात्र ४१ रन जोड्न सक्यो । मध्यक्रममा चमानी सेनेविरत्नाले १३ […]

30 views

0 Bookmark

काठमाडौं (हाम्रो खेलकुद) – नेपाली बलरहरुले उत्कृष्ट प्रदर्शन गरेपछि आईसीसी महिला विश्वकप छनोट एसिया क्षेत्रअन्तर्गत तेस्रो खेलमा नेपालले यूएईलाई ४१ रनमा अलआउट गरेको छ । नेपालले जितको लागि ४२ रनको लक्ष्य प्राप्त गरेको छ ।

तस्बिर सौजन्य : स्टिभ रोबर्ट्स

टस जितेर ब्याटिङ रोजेको यूएईले १७.३ ओभरमा सबै विकेट गुमाउँदै मात्र ४१ रन जोड्न सक्यो । मध्यक्रममा चमानी सेनेविरत्नाले १३ रन जोड्नुबाहेक अन्य ब्याट्सम्यानले दोहोरो अंकमा रन जोड्न सकेनन् । खेलको तेस्रो ओभरमा सिता रानामगरले ओपनर छाया मुघललाई ३ रनमा क्याच गराउँदै पेभेलियन फर्काएकी थिइन् । युएईकी अर्की ओपनर इशा ओजा अर्को ओभरमा कविता कुँवरको एलबीडब्लू धरापमा परेपछि यूएई ४ ओभरमा ८-२ कोस्थितिमा पुग्यो ।

त्यसपछि सिताले कभिसा इगोदागेलाई ४ रन एलबीडब्लू आउट गर्दा कप्तान हुमैरा तस्नीम कविता कुँवरकोबलमा १ रन जोड्दै क्याचआउट भइन । सोनु खड्काले नवौं ओभरमा शुभ भेन्कटरमणलाई ३ रनमा एलबीडब्लू आउट गरिन् । लगत्तै उदेनी डोनालाई सोनुले पहिलो बलमा पेभेलियन फर्काउँदै यूएईलाई १९-६ को दयनीय स्थितिमा पुर्याइन ।

सेनेविरत्ना १३ रन जोडेको अवस्थामा नेरी थापाको बलमा क्याच आउट भएपछि यूएईको रनगति रोकिएको थियो । नेरीले अर्को ओभरमा नमिता डीसुजालाई पनि खाता खोल्न दिईनन् । नेरीले आफ्नो चौथो ओभरमा नेहा शर्मालाई ६ रनमा आउट गर्दै तेस्रो सफलता हात पारिन् । लगत्तै इशानी सेनेविरत्ने पनि ४ रनमा क्याच आउट भएपछि यूएई ४१ रनम समेटियो ।

नेरीले समग्रमा ३.३ ओभर बलिङ गर्दै १ मेडनसहित ६ रन खर्चेर ४ विकेट लिइन् । नेपालको लागि सिता रानामगरले ४ ओभरमा १ मेडनसहित ७ रन खर्चेर २ विकेट लिइन् । सोनु खड्का र कविता कुँवरले पनि २-२ विकेट बाँडे ।

पहिलो खेलमा मलेसियालाई पराजित गरेको नेपालले दोस्रो खेलमा आयोजक थाईल्यान्डसँग फराकिलो हार बेहोरेको थियो । एक टोली मात्र अर्को चरणमा पुग्ने यस प्रतियोगितामा नेपालले अर्को चरण पुग्ने सम्भावना जीवित राख्न अन्य खेलको नतिजामा पनि भर पार्नुपर्ने हुन्छ ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

April 20, 2024

लुम्बिनी तेस्रो जितसहित शीर्षस्थानमा कायम

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा शनिबार लुम्बिनी प्रदेशले कोशी प्रदेशलाई ५० रनले हराएको छ। लुम्बिनीको यो तेस्रो जित हो र ६ अंक सहित अंक तालिकाको शीर्षस्थानमा रहेको छ। लुम्बिनीको जितमा कप्तान देव खनालले ४५ रन बनाए। जितको लागि १ सय ३९ रनको मध्यम लक्ष्य पछाएको कोशी प्रदेश १९.४ ओभरमा मात्र […]

Success

Thank you for your time.