धनगढी (हाम्रो खेलकुद) – तेस्रो संस्करणको धनगढी प्रिमियर लिग (डिपिएल) अन्तर्गत
आज दोस्रो क्वालिफायर खेल्नुपर्ने काठमाडौंले बहिष्कार गरेको छ । गोल्डेन्स र महेन्द्रनगर युनाइटेडबीच प्रतिस्पर्धा हुनुपर्ने थियो । तर काठमाडौंको टोली मैदान नगएर होटल जलसामा रहेको छ ।
भारतीय खेलाडी अकिंत दवासमाथि बलिङमा प्रतिवन्ध लगाएको कारण आफुहरु डिपिएलको क्वालिफायर नखेल्ने काठमाडौं गोल्डेन्सका मालिक रमेश शिलवालले हाम्रो खेलहुदलाई जानकारी दिए ।
हाम्रो खेलकुदसँग कुरा गर्दै शिलवालले भने अकिंतमाथि नियोजित रुपमा प्रतिबन्ध लगाएको कारण नखेल्ने आयोजकलाई पनि जानकारी दिएका छौं । राम्रो खेल्ने खेलाडीलाई प्रतिबन्ध लगाएपछि हामी कसरी खेल्ने ? ।
सुरुका चार खेलमा बलिङ ठिक भयो,रणजि टफीमा पनि सहि छ,जव क्वालिफायरमा आएपछि कसरी गलत हुन्छ – यो नियोजित रुपमा गरिएको प्रतिबन्ध हो ,त्यस्तैले हामीले नखेल्ने भएका हौ – शिलवालले भने । छानविन सहि तरिकाले हुनु पर्ने जनाए । काठमाडौंबाट खेलि रहेका दवासले जारी डिपिएलमा ५ खेलमा १ सय ५३ रन बनाउनुको साथै ६ विकेट लिएका छन् ।
