धनगढी (हाम्रो खेलकुद) – काठमाडौं गोल्डेन्सले बहिष्कार गरेपछि महेन्द्रनगर युनाईटेडले धनगढी प्रिमियर लिग (डिपिएल) क्रिकेटको फाइनल खेल्ने भएको छ ।
महेन्द्रनगरविरुद्ध हुने दोस्रो क्वालिफायर्स खेल काठमाडौंले बहिष्कार गरेपछि महेन्द्रनगरले सोझै फाइनल खेल्ने भएको आयोजक धनगढी क्रिकेट एकेडेमीले जनाएको छ । भारतीय खेलाडी अकिंत दवासमाथि बलिङमा प्रतिबन्ध लगाएको कारण आफुहरु डिपिएलको क्वालिफायर नखेल्ने काठमाडौं गोल्डेन्सका मालिक रमेश सिलवालले बताएका थिए ।
यसअघिका दुई खेलमा अनाधिकृत एक्सनमा बलिङ गरेको भन्दै काठमाडौंका दब्बासलाई बलिङ गर्नबाट रोक लगाउने निर्णय प्राविधक टोलीले गरेको थियो । अब महेन्द्रनगरले सिवाइसी अत्तरियासँग फाइनल खेल्नेछ ।
