5 years ago
February 23, 2019
काठमाडौं (हाम्रो खेलकुद) – नेपाली राष्ट्रिय क्रिकेट टोलीका युवा स्पिनर सन्दीप लामिछानेले पाकिस्तान सुपर लिग (पीएसएल) अन्तर्गत शनिबार क्वेटा ग्ल्याडीयटर्सविरुद्ध उत्कृष्ट बलिङ प्रदर्शन गरेका छन् । उनको कसिलो बलिङका बाबजुद लाहोर ४ विकेटले पराजित भयो ।
सन्दीपले आफ्नो ४ ओभरको कोटा पूरा गर्दै २० रन खर्चेर १ विकेट हात पारे । छैटौं ओभरमा बलिङ पाएका सन्दीपले उक्त ओभरमा ३ रनमात्र खर्चे । नवौं ओभरमा फेरी बलिङ गर्न आएका सन्दीपले एक छक्कासहित १० रन खर्चे । १२ औं ओभरको पहिलो बलमा ४० रनमा खेलिरहेका अहसन अलीलाई बोल्ड गर्दै सन्दीपले राम्रो पुनरागमन गरे । त्यस ओभरमा उनले ४ रनमात्र खर्चे । १७ औं ओभर फ्याँकेका सन्दीपले व्यक्तिगत चौथो ओभरमा ३ रनमात्र दिए ।
लाहोरले प्रस्तुत गरेको १ सय ४४ रनको लक्ष्य पछ्याउने क्रममा क्वेटाले २० ओभरमा ६ विकेटको क्षतिमा १ सय ४८ रन जोड्यो । ओपनर सेन वाटसन शून्यमा आउट हुँदा राइली रुसो १७ र उमर अकमल ९ रनमा पेभेलियन फर्किए । ड्वेन स्मिथ २ रनमा आउट भए ।
क्वेटाको जितमा सरफराज अहमद र मोहमद नवाजले उत्कृष्ट ब्याटिङ गरे । नवाज १९ रन जोड्दै बाउन्ड्रीनिर क्याच आउट भए । अनवर अली अन्तिम ओभरको पहिलो बलमा १ रन जोडेको अवस्थामा बोल्ड भए । अन्तिम बलमा २ रन आवश्यक परेको अवस्थामा सरफराजले छक्का प्रहार गर्दै जित दिलाए । उनले ३६ बलमा ४ चौका र १ छक्कासहित ५२ रन जोडे । लाहोरका लागि हरिस राउफले २ तथा सन्दीप, राहत अली र यासिर शाहले १-१ विकेट लिए ।
त्यसअघि टस हारेर पहिला ब्याटिङ थालको लाहोरले निर्धारित २० ओभरमा ७ विकेटको क्षतिमा १ सय ४३ रन बनाएको थियो । लाहोरका लागि कप्तान एवि डी भिलियर्सले सर्वाधिक ४५ रन बनाए । डी भिलियर्सले ४० बलमा २ चौका प्रहर गरे । त्यस्तै सन्दीप लामिछानेले ५ बलमा ५ रनमा अविजित रहे ।
त्यस्तै डेविड विसा १६ बलमा १ छक्का हान्दै २० रनमा आउट भए । सोहेल अख्तरले २१ बलमा ३ छक्का र १ चौका प्रहार गर्दै २९ रन जोडे । कारी एन्डरसन १९, फखार जमान ३,सलमान बट ५, यासिर साह १ रनमा आउट भए ।
क्वेटा गुलाम मुदस्सरले ४ ओभरमा २१ रन खर्चेर ३ विकेट लिए । सोहेल तनविरले २, मोहम्मद नवाज र अनावर अलीले समान एक एक विकेट हात पारे ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]