काठमाडौं (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछाने सम्मिलित लाहोर कलन्दर्सले पाकिस्तान सुपर लिग (पीएसएल) अन्तर्गत छैटौं खेलमा क्वेटा ग्ल्याडीयटर्सको सामना गर्दैछ । खेल नेपाली समयानुसार साँझ ५:१५ मा सुरु हुनेछ ।
सन्दीपको टोली लाहोरले प्रतियोगितामा खेलेका ५ मध्य २ खेलमा जित र ३ मा हार बेहोरेको छ । ४ अंक बोकेको लाहोर अंक तालिकामा पाँचौ स्थानमा छ । सन्दीपले प्रतियोगिताको २ खेलमा मात्र खेलेका छन् । यसक्रममा उनले ४ विकेट हात पारिसकेका छन् । पहिलो खेलमा महँगो सावित भएपनि ३ विकेट लिएका सन्दीपले दोस्रो खेलमा कसिलो बलिङ गर्दै १ विकेट लिएका थिए ।
पछिल्लो खेलमा लाहोरले क्वेटासँग अन्तिम बलमा पराजय भोगेको थियो । त्यसपछि क्वेटाले पनि एक खेल गुमाईसकेको छ । अंक तालिकामा ५ खेलमा ४ जित र १ हारसहित क्वेटा ८ अंक बोकेर शीर्ष स्थानमा कायम छ । यस खेलमा पराजित भएको खण्डमा लाहोरको अर्को चरण पुग्ने सम्भावना कठिन बन्नेछ ।
