एजेन्सी – आक्रामक ब्याट्सम्यान क्रिस गेल र तीव्र गतिका बलर ओसेन थोमस चम्केपछि वेस्ट इन्डिजले इंग्ल्याण्डविरुद्ध जारि सिरिजको पाँचौ वान डे खेलमा ७ विकेटले पराजित गरेको छ । यससँगै सिरिज २-२ को बराबरीमा सकिएको छ ।
टस जितेर फिल्डीङ रोजेको वेस्ट इन्डिजका लागि ओसेन थोमसले ५ विकेट हात पारेपछि इंग्ल्यान्ड १ सय १३ रनमा अलआउट भयो । इंग्ल्यान्डका लागि ओपनर एलेक्स हेल्स र जोस बटलरले समान २३-२३ रन जोड्नुबाहेक अन्यले उल्लेख्य योगदान दिन सकेनन् । थोमसले ५.१ ओभरमा २१ रन खर्चेर ५ विकेट लिए । जेसन होल्डर र क्रेग ब्रेथवेटले २-२ तथा शेल्दन कटरेलले १ विकेट हात पारे ।
जवाफमा झिनो लक्ष्यलाई पछ्याउन ओपनर क्रिस गेलले आक्रामक ब्याटिङ गरे । २७ बलमा ५ चौका र ९ छक्का प्रहार गरेका गेलले ७७ रन जोडे । वेस्ट इन्डिजले १२.१ ओभरमा ३ विकेट गुमाएर लक्ष्य प्राप्त गरको हो । मार्क वुडले २ तथा क्रिस वक्सले १ विकेट हात पारे ।
गेलले सिरिजभर उत्कृष्ट ब्याटिङ गर्दै म्यान अफ द सिरिजको उपाधि जिते । ओसेन थोमस म्यान अफ द म्याच भए ।
