एजेन्सी – भारतका ब्याट्सम्यान महेन्द्रसिंह धोनी र केदार जाधवले उत्कृष्ट ब्याटिङ गरेपछि अष्ट्रेलियाविरुद्ध पहिलो वान डेमा भारतले ६ विकेटको जित दर्ता गरेको छ ।
टस जितेर ब्याटिङ रोजेको अष्ट्रेलियाले २० ओभरमा ७ विकेट गुमाउँदै २ सय ३६ रन जोडेको थियो । ओपनर उस्मान खवाजाले ५० रन जोड्दा मार्कस स्टोइनिसले ३७ तथा ग्लेन म्याक्सवेलले ४० रनको योगदान दिए । एलेक्स केरी ३६ रनमा नटआउट रहे । भारतका लागि मोहमद शामी, जस्प्रित बुमराह र कुलदिप यादव २-२ विकेट लिए ।
जवाफमा भारतले दोस्रो ओभरमा नै ओपनर शिखर धवनलाई गोल्डेन डकमा गुमायो । अर्का ओपनर रोहित शर्माले ३७ तथा कप्तान विराट कोहलीले ४४ रन जोडे । धोनी र केदारले पाँचौ विकेटका लागि नटआउट १ सय ४१ रनको साझेदारी गरेपछि भारतले जित दर्ता गरेको थियो । धोनीले ७२ बलमा ५९ रन जोडे । केदार ८७ बलमा ९ चौका र १ छक्कासहित ८१ रनमा नटआउट रहे । अष्ट्रेलियाका कुल्टर नाइल र एडम जाम्पाले २-२ विकेट लिए ।
