एजेन्सी – वेस्ट इन्डिजसँगको पहिलो टी-२० खेलमा पाहुना टोली इंग्ल्यान्ड ४ विकेटले विजयी भएको छ । १ सय ६१ रनको लक्ष्य इंग्ल्यान्डले ७ बल अगाडी ६ विकेट गुमाउँदै पुरा गर्यो ।
इंग्ल्यान्डको जितमा म्यान अफ द म्यान बनेका ओपनर जोनी बेयरस्टोले ४० बलमा ९ चौका र २ छक्का प्रहार गर्दै ६८ रनको महत्वपूर्ण योगदान दिए । त्यस्तै इंग्ल्यान्डका अन्य जो डेनली ३०,साम बिलिंग्स १८,एलेक्स हेल्स ११,कप्तान ईओन मोर्गन ८ रनमा आउट हुँदा टम कुरन २ र डेविड वेल्ली १ रनमा अविजित रहे । वेस्ट इंन्डिजका लागि शिल्डन कोट्रेल ३,जोसन होल्डर,एशले नर्स र कार्लेस वार्थवेटले समान एक एक विकेट हात पारे ।
त्यस अघि टस हारेर पहिला ब्याटिङ थालेको वेस्ट इन्डिजले निर्धारित २० ओभरमा ८ विकेटको क्षतिमा १ सय ६० रन बनाएको थियो । उस्का लागि निकोलस पुरनले ३७ बलमा ३ चौका र ४ छक्का प्रहार गर्दै ५८ रन बनाए । ड्वेन ब्राभो २८,क्रिस गेल १५,शिम्रन हिटमेर १४ र एशले नर्शले १३ रन बनाउन बाहेक अन्यले राम्रो प्रर्दशन गर्न सकेनन् । इंग्ल्यान्डका लागि टम कुरनले ४,क्रिस जोर्डनले २,आदिल राशिद र जो डेनलीले समान एक एक विकेट हात पारे । यो जितसँगै ३ टी-२० सिरीजमा इंग्ल्यान्डले १-० को अग्रता लिएको छ । दोस्रो खेल आगमी ९ मार्चमा हुने छ ।
