default_image

5 years ago

March 8, 2019

अष्ट्रेलियाले भारतलाई हरायो, कोहलीको शानदार शतक काम लागेन

एजेन्सी – कप्तान विराट कोहलीको सानदार शतकका बाबजुद भारत अष्ट्रेलियासँग तेस्रो वान डे खेलमा ३२ रनले पराजित भएको छ । ३ सय १४ रनको विशाल लक्ष्य पछ्याएको भारत ४८.२ ओभरमा अल आउट हुँदै २ सय ८१ रनमा समेटियो । भारतका लागि कप्तान कोहलीले करियरको ४१ औं शतक प्रहार गरेपनि अन्य खेलाडीको राम्रो साथ नपाउँदा भारत […]

36 views

0 Bookmark

एजेन्सी – कप्तान विराट कोहलीको सानदार शतकका बाबजुद भारत अष्ट्रेलियासँग तेस्रो वान डे खेलमा ३२ रनले पराजित भएको छ । ३ सय १४ रनको विशाल लक्ष्य पछ्याएको भारत ४८.२ ओभरमा अल आउट हुँदै २ सय ८१ रनमा समेटियो ।

भारतका लागि कप्तान कोहलीले करियरको ४१ औं शतक प्रहार गरेपनि अन्य खेलाडीको राम्रो साथ नपाउँदा भारत पराजित हुन पुग्यो । कोहलीले ९५ बलमा १६ चौका र १ छक्का प्रहार गर्दै १ सय २३ रन बनाएपनि जितको लागि पर्याप्त भएन । कोहलीलाई एडम जाम्पाले ३८ ओभरको तेस्रो बलमा बोल्ड गरेका थिए ।

भारतको सुरुवातनै खराब रह्यो । ओपनर शिखर धवन १, रोहित शर्मा १४ र आम्बाती रायडू २ रनमा पेभिलिएन फर्केपछि ६.२ ओभरमा २७-३ को कमजोर अवस्थामा पुगेको थियो । कोहलीले एक तर्फबाट रन जोड्दा अर्को तर्फबाट महेन्द्रसिंह धोनी र केदार जाधव समान २६ रनमा आउट भएपछि भारत दवावमा पर्यो ।

धोनी र जाधव दुबैलाई एडम जाम्पाले आउट गरेका थिए । विजय शंकर ३२,रविन्द्र जडेजा २४,मोहम्मद शामी ८ र कुलदिप यादव १० रनमा आउट भए । एडम जाम्पा, प्याट कमिन्स र झेय रिचड्सनले समान ३ विकेट लिदा नाथन लायनको नाममा १ विकेट रह्यो ।

त्यस अघि राँचीमा टस हारेर पहिला ब्याटिङ थालेको पाहुना टोली अष्ट्रेलियाले निर्धारित ५० ओभरमा ५ विकेट गुमाउँदै ३ सय १३ रन बनाएको थियो । अष्ट्रेलियालाई विशाल योगफल तयार पार्न ओपनर उस्मान ख्वाजाले आफ्नो ओडीआई करियरकै पहिलो शतक प्रहार गरे । उनले १ सय १३ बलमा ११ चौका र १ छक्का प्रहार गर्दै १ सय ४ रनको महत्वपूर्ण योगदान दिए । त्यस्तै करियरको १२ औं शतक बनाउन ७ रनले चुकेका कप्तान आरोन फिन्चले ९९ बलमा ३ छक्का र १० चौका प्रहार गर्दै ९३ रन बटुले ।

ओपनर फिन्च र उस्मानले पहिलो विकेटका लागि १ सय ९३ रनको साझेदारी गर्दै अष्ट्रेलियालाई विशाल योगफल तर्फ लम्काएका थिए । यी दुईको साझेदारी ३१.५ ओभरमा कुलदीप यादवले फिन्चलाई एलबीडब्लू आउट गर्दै तोडेका थिए । त्यस्तै ग्लेन म्याक्सवेलले पनि आक्रमक रुपमा रन बटुले । म्याक्सवेलले ३१ बलमा समान ३ छक्का र चौका प्रहार गर्दै ४७ रन बनाए । शन मार्श ७,पिटर हेन्डस्कम्व डक आउट हुँदा मार्कस स्टोइनिस ३१ र एलेक्स करी २१ रनमा अविजित रहे ।

भारतका लागि कुलदिप यादवले ३ र मोहम्मद सामीले १ विकेट लिन बाहेक अन्य कुनै पनि बलरले विकेट लिन सकेनन् । यो नतिजासँगै पाँच ओडीआई श्रृंखला २-१ को अवस्थामा पुगेको छ । यसअघि भारत ६ विकेट र ८ रनले विजयी भएको थियो । चौथो खेल आगमी आइतबार हुने छ ।

April 15, 2024

मुम्बईमाथि चेन्नईको जित

एजेन्सी – चेन्नई सुपर किंग्सले इन्डियन प्रिमियर लिग (आइपिएल) मा आइतबार मुम्बई इन्डियन्समाथि सानदार जित निकालेको छ । चेन्नईले मुम्बईलाई २० रनले हराएको हो । २ सय ७ रनको लक्ष्यको पछ्याएको मुम्बईले नटआउट रोहित शर्माको शतकका बावजुद २० ओभरमा ६ विकेटको क्षतिमा १ सय ८६ रन मात्र बनाउन सक्यो । रोहित र इशान शर्माले पहिलो […]

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

Success

Thank you for your time.