काठमाडौं – क्रिकेट विकासका लागि लचकता अपनाउन तयार रहेको जनाएको नेपाल क्रिकेट संघ (क्यान) को निर्वाचित कार्यसमितिले आफ्नोतर्फबाट सहमतीका लागि ठोस प्रस्ताव भने अघि सार्न सकेन । अन्तर्राष्ट्रिय क्रिकेट परिषद (आइसिसी) ले यसैसाता लगाएको निलम्बन फुकुवा गराउन लचकता अपनाउन तयार निर्वाचित क्यानका महासचिव अशोकनाथ प्याकुरेलले बताएका छन् ।

पत्रकार सम्मेलनमा निर्वाचित नेपाल क्रिकेट संघ (क्यान) का पदाधिकारी ।

‘आइसिसीबाट निलम्बनमा पर्नु नेपाली क्रिकेटका लागि कुनै हालतमा राम्रो होइन । यसले हामीलाई दुखी बनाएको छ । सधँै यो अवस्थामा राम्रो होइन । अन्योल समाप्त गर्न हामी लचक छौं,’ शुक्रबार आयोजित त्रकार सम्मेलनमा उनले भने,‘ राष्ट्रिय खेलकुद परिषद् (राखेप) हाम्रो अविभावक संस्था होस् । त्यहिबाट प्रस्ताव आयो भने हामी सबै विकल्पमा खुला छौं ।’ विगतमा क्यान सञ्चालनका क्रममा कमजोरी भएको स्वीकार गर्दै प्याकुरेलले भने,‘निलम्बनका लागि हाम्रो भूमिका पनि केही जिम्मेवार रह्यो । हामीले आइसिसीको गाइडलाइन अनुसार काम गर्न सकेनौं । जानेनौं । अब धेरै थाहा भइसकेको छ ।’ उनले राखेप समग्र खेलकुदको अविभावक संस्था भएर विवादमा उत्रनु उपयुक्त नभएको तर्क गर्दै प्याकुरेलले भने,‘ बच्चाले चकलेट खाएर दात विगार्न सक्छ । अविभावकले त ब्रस गर्दा त्यस्तो हुँदैन पो भन्नुप¥यो । आफै अकों संरचना खडा गरेर विवादलाई तन्काउन मिल्दैन ।’ क्यानको विषयलाई लिएर सर्वोच्च अदालतमा मुद्दा चलिरहेकाले नेपालमा क्रिकेटको नेतृत्व गर्ने संस्था अभाव रहेको र आइसिसीको विधान उल्लंघन गरेको भन्दै आइसिसीले सोमबार निलम्बन गरेको थियो । बोर्डले आफ्नो निर्णयपछि सरकारी हस्तक्षेप रोक्ने र स्वच्छ चुनाव गराउन बाटो खुल्ने विश्वास लिएको विज्ञप्तीमार्फत प्रष्ट पारेको थियो । राखेपको स्विकृतिबिना मंसिर २९ सम्पन्न साधारणसभाले चतुरबहादुर चन्दको अध्यक्षतामा नयाँ कार्यसमिति चयन गरेको थियो । त्यो निर्वाचनलाई मान्यता नदिने भन्दै राखेपले पुस २३ मा रमेश सिलवालको अध्यक्षतामा तदर्थ समिति गठन ग¥यो । तदर्थ समिति, राखेप लगायतविरुद्ध निर्वाचित कार्यसमितिले पुस २८ मा सर्वोच्चमा मुद्दा दर्ता गरेपछि क्यानको आधिकारिकतासम्बन्धी विवाद सुरु भएको हो । मुद्दा अहिले विचाराधीन छ । अध्यक्ष चन्दको उपस्थिति नरहेको पत्रकार सम्मेलनमा अन्य पदाधिकारी भने थिए । क्यान विवादको सिलसिलेबार घटनाक्रम विवरण प्रस्तुत गर्दै प्याकुरेलले पत्रकारका प्रश्नको प्रश्नको जवाफ पनि एक्लै दिए । अन्य कुनै पदाधिकारी वा सदस्य बोलेनन् । उनले ३७ जिल्ला र ९ क्षेत्रका प्रतिनिधिले चुनेकोले बैधानिकता संस्थाको प्रतिनिधि आफुहरु नै भएको दाबी समेत गरे ।