एजेन्सी – इन्डियन प्रिमियर लिग (आईपीएल) को सातौं खेलमा रोयल च्यालेन्जर्स बेंगलोरलाई ६ रनले पराजित गर्दै मुम्बई इन्डियन्सले पहिलो जित हात पारेको छ ।

विहिवार राती सम्पन्न खेलमा १ सय ८८ रनको लक्ष्य पछ्याएको बेंगलोर निर्धारित २० ओभरमा ५ विकेट गुमाउँदै १ सय ८१ रन जोड्न सक्यो । अन्तिम ओभरमा बेंगलोरलाई जितको लागि १७ रन चाहिएको थियो । लाथिस मलिङ्गालाई शिवम दुबेले पहिलो बलमा छक्का प्रहार गरे पनि अन्य पाँच बलमा ४ रन मात्र जोड्न सकेपछि बेंगलोर पराजित हुन पुगेको थियो ।

टेलिभिजन रिप्लेमा अन्तिम बल नोबल भएको देखिएको थियो । तर अम्पाएर नन्दन सुन्दरम रभिले नो बल दिएनन् । खेल सकिएपछि पत्रकार सम्मेलनमा कप्तान कोहली अम्पायरप्रति आक्रोशित हुँदै भने, ‘हामी आईपीएल स्तरको क्रिकेट खेली रहेका छौं, क्लव र गल्ली स्तरको होइन । अम्पाएरले आँखा खोल्न आवश्यक छ । अन्तिम बलको निर्णय हाँस्यास्पद छ । मलाई केहि थाहा छैन यो केहि भई रहेको छ । मुम्बई र मलिङ्गा भाग्यमानि रहेछन्,’ उनले भने ।

यो बेंगलोरको लगातार दोस्रो हार हो । पहिलो खेलमा बेंगलोर चेन्नई सुपर किंग्सँग ७ विकेटले पराजित भएको थियो । बेंगलोरले तेस्रो खेल आगमी मार्च ३१ मा सनराइजर्स हैंदरावादसँग खेल्ने छ ।