एन्जेसी – इन्डियन प्रिमियर लिग (आईपीएल) को १५ औं खेलमा आजमा चेन्नई सुपर किंग्स र मुम्बई इन्डियन्सबीच प्रतिसप्रर्धा हुँदैछ । खेल नेपाली समय अनुसार बेलुका ८ : १५ देखी मुम्बईको घरेलु मैदान वानखडेमा सुरु हुनेछ ।
जारी आईपीएलमा एकमात्र अपराजित चेन्नई यहि यात्रा कायमै राख्न चाहन्छ । यता सुरुवाती तीन खेलमा २ खेलमा पराजित भएको मुम्बई दोस्रो जितको खोजीमा हुनेछ । मुम्बई दिल्लीसँग ३७ रन, किंग्स इलाभेन पन्जाबसँग ८ विकेटले पराजित भएको थियो भने बेंगलोरलाई ६ रनले हराएको थियो । चेन्नईसँगको हेड टु हेडमा मुम्बई १४ खेलमा विजयी हुँदा १२ खेलमा पराजित भएको छ ।
यता अनुभवी खेलाडीले भरिएको चेन्नईले बेंगलोरलाई ७ विकेटले हराउँदा दोस्रो खेलमा दिल्लीलाई ६ विकेट र राजस्थान रोयल्सलाई ८ रनले पराजित गर्दै अपराजित रह्यो । जारी प्रतियोगितामा धोनी र शेन वाट्शन राम्रो लयमा देखिएका छन् । धोनीले राजस्थानविरुद्धको खेलमा ७५ रनमा अविजित पाली खेलेका थिए ।
त्यस्तै इमरान ताहिर, ड्वेन ब्राभो, दिपक चाहार, सुरेश रैना र रविन्द्र जडेजाको प्रर्दशन उत्कृष्ट देखिन्छ । मुम्बईले भने सुरुवाती खेलमा खराव प्रर्दशन गरेको छ । एकमात्र बेंगलोरसँगको जित पनि विवादीत थियो । मुम्बईका हार्दिक पान्ड्या, जसप्रित बुमराह, क्विन्टन डी ककको लय राम्रो हुँदा अन्य खेलाडीले अपेक्षा गरे अनुसार प्रर्दशन गर्न सकेका छैनन् ।
