एजेन्सी – ओपनर फाफ डु प्लेसिसको अर्धशतक र कप्तान महेन्द्र सिंह धोनीले आक्रमक रुपमा रन जोडेपछि इन्डिन प्रिमियर लिग(आईपीएल) को १८ औं खेलमा चेन्नई सुपर किंग्सले किंग्स इलाभेन पन्जावलाई १ सय ६१ रनको मध्यम लक्ष्य दिएको छ ।
घरेलु मैदानमा टस जितेर पहिला ब्याटिङ थालेको चेन्नईले निर्धारित २० ओभरमा ३ विकेटको क्षतिमा १ सय ६० रन बनायो । चेन्नईका लागि ओपनर फाफ डु प्लेसिसले ३८ बलमा ४ छक्का र २ चौका प्रहार गर्दै ५४,शेनवाटशन २६,सुरेश रैना १७ रनमा आउट भए ।
कप्तान महेन्द्रसिंह धोनीले २३ बलमा ४ चौका र १ छक्का प्रहार गर्दै ३७ रनमा र आम्बाती रायडूले १५ बलमा समान १ चौका र छक्का प्रहार गर्दै २१ रनमा नट आउट रहे । धोनीले १९ औं ओभरमा साम करनलाई १ छक्का र २ चौका प्रहार गर्दै १९ रन बटुले ।
पन्जाबका लागि कप्तान रविचन्द्र आश्विनले ४ ओभरमा २३ रन खर्चेर ३ विकेट लिए बाहेक अन्य कुनै पनि बलरले विकेट लिन सकेनन् ।
