default_image

5 years ago

April 6, 2019

‘नेपाली टोलीको ब्याटिङ बलियो ‘

काठमाडौं (हाम्रो खेलकुद) – मलेसियामा अर्को सातादेखि सुरु हुने आईसीसी यू१९ विश्वकप एसिया छनोटको लागि नेपाली यू१९ टोली मलेसिया प्रस्थान गरिसकेको छ । टोलीमा १४ खेलाडी र ३ अफिसियल गरि १७ जनाको रहेका छन् । नेपालले विश्वकप छनोट अन्तर्गत १२ अप्रिलमा सिंगापुरसँग खेल्दै प्रतियोगिताको सुरुवात गर्ने छ । अप्रिल १२ देखी १८ सम्म ६ राष्ट्रले […]

30 views

0 Bookmark

काठमाडौं (हाम्रो खेलकुद) – मलेसियामा अर्को सातादेखि सुरु हुने आईसीसी यू१९ विश्वकप एसिया छनोटको लागि नेपाली यू१९ टोली मलेसिया प्रस्थान गरिसकेको छ । टोलीमा १४ खेलाडी र ३ अफिसियल गरि १७ जनाको रहेका छन् ।

नेपालले विश्वकप छनोट अन्तर्गत १२ अप्रिलमा सिंगापुरसँग खेल्दै प्रतियोगिताको सुरुवात गर्ने छ । अप्रिल १२ देखी १८ सम्म ६ राष्ट्रले प्रतिस्पर्धा गर्ने प्रतियोगितामा शीर्ष स्थानमा रहने टोलीले अर्को  वर्ष दक्षिण अफ्रिकामा हुने यू१९ एकदिवसिय विश्वकप खेल्न पाउनेछ । उमेर समुह होस् वा पुरुष सिनियर टोली, महिला क्रिकेट टोलीमै पनि नेपाल ब्याटिङमा पटक पटक संघर्ष गर्ने गरेको छ ।

तर मलेसिया जानुअघि टोलीका भरपर्दा खेलाडी भीम सार्कीले यस पटक नेपालको ब्याटिङ उत्कृष्ट रहेको बताए । ‘टिम निकै परिपक्क र बलियो छ । ८,९ नम्बर सम्म हाम्रो ब्याटिङ छ । बलिङ र फिल्डिङ पनि उतिकै राम्रो छ’ , भीमले भने ।

नेपाली टोलीले पछिल्लो दुई साता भारत भ्रमणमा अभ्यास खेलहरु खेलेको छ । भीम आफैं यस भ्रमणले निकै फाइदा पुगेको बताउँछन् । ‘मैले भारत भ्रमणमा राम्रो प्रर्दशन गरेको छु । यसले आत्मविश्वास बढाएको छ । प्रतियोगितामा सबै टोली बलियानै हुन्छन्,ती बलिया टिमलाई हराउन हामीले पूर्ण रुपमा तयारी गरेका छौं,’ भीमले भने ।

त्यस्तै कप्तान रोहित कुमार पौडेलले पनि यस पटक ब्याटिङ नै बलियो भएको दावी गरे । रोहितले आफ्नो लागि यो अवसर र मौका दुवै रहेको र नेपाल विश्वकपमा छनोटमा विश्वस्त रहेको बताए ।

प्रशिक्षक विनोद दासले विश्वकप खेल्नेमा आत्माविश्वासी रहेको बताए । ‘भारतमा राम्रो पूर्वाधार पायौं । विकेट राम्रो थियो । एक दिनको लागि भारतीय ए टिमका प्रशिक्षक पनि पायौं । सबै खेलमा हामीले २ सय रन सजिलै कटाएका छौं,’दासले भने। प्रशिक्षक दासले यू १९ क्रिकेटमा यूएई,ओमान, कुवेतजस्ता देशमा भारत,पाकिस्तानबाट गएका खेलाडीहरु खेल्ने हुँदा यसै भन्न नसकिने बताए।

प्रशिक्षक दासले भविष्यमा नेपाली क्रिकेटलाई हेरेर रोहितलाई कप्तानी भूमिका दिएको बताएका छन् । ‘सबै खेलाडीलाई मौका दिन आवश्यक छ । पहिला सन्दीपलाई दियौं, त्यसपछि दिपेन्द्र, आशिफलाई हुँदै अहिले रोहितलाई दिएका हौं । यसले भविष्यमा कसले नेतृत्व गर्न सक्छ भन्ने पनि थाहा हुन्छ,’ दासले भने ।

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

Success

Thank you for your time.