काठमाडौं (हाम्रो खेलकुद) – दोस्रो संस्करणको कणार्ली प्रिमियर लिग(केपीएल) मा ८ टोलीले प्रतिसप्रर्धा गर्ने भएका छन् । दोस्रो संस्करणको केपीएल आगमी बैशाख १२ गते देखी २१ (२५ अप्रिल देखी ४ मे) सम्म सुर्खेतमा चल्ने छ ।
१० दिन सम्म चल्ने प्रतियोगितामा त्रिभुवन आर्मी क्लब, नेपाल पुलिस क्लब, सशस्त्र प्रहरी क्लब, महेन्द्रनगर क्रिकेट एकेडमी, लालिगुरास क्रिकेट एकेडमी, मध्यपश्चिम क्रिकेट क्लब, कर्णाली ११ र हिमालयन क्रिकेट एकेडमीको सहभागिता रहने आयोजक केपीएलले जनाएको छ ।
प्रतियोगितामा हरेक टिमले चाहेको खण्डमा दुई विदेशी खेलाडी राख्न सक्नेछन् । हरेक टोलीले एक अर्कासँग प्रतिसप्रर्धा गरेपछि शीर्ष चार टोली सेमिफाइनल पुग्ने छन् । आयोजकले पुरस्कार राशी भने खुलाएको छैन । केहि दिनमै पुरस्कार राशी सार्वजनिक गर्ने जनाएको छ । प्रतियोगितामा राष्ट्रिय टिमबाट खेली सकेका खेलाडीको पनि खेल्नेछन् ।
