एजेन्सी – क्रिकेटको सर्वाधिक ठूलो पुस्तक विजडनले हरेक वर्ष प्रदान गर्ने विजडन अल्मानक क्रिकेटर अफ द ईयर २०१८ को अवार्ड भारतीय क्रिकेट टिमका कप्तान विराट कोहलीले जितेका छन् । कोहलीले लगतार तेस्रो पटक लिडीङ क्रिकेटर अफ द इयर अवार्ड पाएका हुन् ।
यसअघि कोहली सन् २०१६ र सन् २०१७ मा पनि यहि अवार्डबाट सम्मानित भएका थिए । २०१८ मा कोहलीले टेस्ट क्रिकेटमा उत्कृष्ट प्रर्दशन गरेका थिए । कोहलीकै उत्कृष्ट प्रर्दशनमा अष्ट्रेलियन भुमिमा पहिलो पटक भारतले टेस्ट सिरिज जितेको थियो ।
कोहलीले सन् २०१८ मा तीन फर्म्याट क्रिकेटमा गरि कुल २ हजार ७ सय ३५ रन जोडेका थिए । कोहलीसहित पाँच क्रिकेटरको सुचिमा स्याम करन, जस बटलर, रोरी बर्न्स तथा महिला खेलाडी ट्यामी ब्यूमोन्ट रहेका छन् ।
करन र बर्न्सले सर्रेलाई सन् २००२ पछि पहिलो पटक काउन्टी क्रिकेट जिताएका थिए । बटलरले इंग्ल्यान्डका लागि पछिल्लो वर्ष उत्कृष्ट ब्याटिङ गरेका थिए । ब्युमन्टले महिला टि-२० मा सर्वाधिक छिटो शतक बनाउने कीर्तिमान कायम गरेकी हुन् । उनले ४७ बलमा शतक बनाएकी थिइन् ।
