काठमाडौं – क्वीन्स इभेन्ट म्यानेजमेन्ट प्राइभेट लिमिटेडले आयोजना गर्ने वुमन्स च्याम्पियन्स टी ट्वान्टी लिग आगमी जेठमा हुने भएको छ । आयोजकले एक प्रेस विज्ञप्ती जारी गर्दै आगमी जेठ ३ देखि ११ गतेसम्म टियू क्रिकेट मैदानमा हुने जनाएको छ ।
यसअघि आयोजकले वुमन्स च्याम्पियन्स लिग चैत २२ गतेबाट ३० गतेसम्म हुने घोषणा गरेको थियो । तर प्राविधिक कारणले गर्दा तोकिएको समयमा गर्न नसकिने आयोजकले जनाएको छ । च्याम्पियन्स लिगमा विभिन्न ५ शहरका ५ फ्रेन्चाइजी टोली सहभागिता रहने छ । प्रतियोगिता राउन्ड रोविन लिगका आधारमा हुनेछ ।
प्रतियोगितामा सहभागि टोली, मार्की खेलाडी र लोगो आयोजकले शुक्रबार काठमाडौंमा एक कार्यक्रम गर्दै सार्वजनिक गर्दैछ । लिगमा शीर्ष दुई स्थान हात पार्ने टोलीले उपाधिका लागि प्रतिस्पर्धा गर्नेछन् ।क्वीन्स इभेन्ट म्यानेजमेन्ट प्राइभेट लिमिटेडले गत असोजमा पोखरा प्रिमियर लिग प्रतियोगिता पनि गरेको थियो ।
